3874/2024-2025

Kolasib Dated 18th January, 2025 : Tukin zing khan Kolasibah Celebration of 10th years of Beti Bachao Beti Padhao (BBBP) & National Girl Child Day 2025 denchhenin Walk For a Girl Child Programme hman a ni.

He hun hi District Hub For Empowerment of Women, Women & Child Development Kolasib District huaihawta hman a ni a. Zing dar 7 atangin Kolasib DC Bungalow kawt atanga DC Office kawt thleng a huhova kawngzawhna neih niin, hmeichhe dinhmun humhalh a pawimawh thute leh mipate chu hmeichhe inhumhimna tur an nih thu te kawngzawhah hian au rualna hun neih a ni.

DC Office tualah hian hun tawi hman niin, Pu Robert C Lalhmangaiha DC Kolasib chuan he hun hi a hmanpui a. India ram hmun hrang hrang  leh hnam hrang hrang zingah, hmeichhia an lo pianin an hlimna a kim lo thin tih thu sawiin, hmeichhia te dinhmun hmun hrang hrangah a hniam thin thu a tarlang a. Mizote zingah erawh chuan hmeichhia a lo pianin 'Se-man tur' tiin malsawmna tawngkam kan sawi thin a ti. Chutih laiin india ram hnam hrang hrang zingah leh Mizote zingah ngei pawh hmeichhiate chunga hleilenna hriattur a tam ta chu pawi a tih thu a sawi a. Hmeichhiate'n hmabak kawleng tha zawk an neih theih nan he hun an hman hian awmzia nei se a ti a. Hmeichhe naupangte himna ngaih pawimawh a tul zia Kolasib DC hian he hunah hian a sawi bawk a ni.

He hun hmann ah hian Kolasib khawchhunga School naupang thahnem tak an kal khawm kalkhawm thei a. Zirlai kalkhawmte leh District Women & Child Development a thawktuten Beti Bachao Beti Padhao thuthiam lakna an nei nghal bawk. 

Programme zawhah hian DC Office Compound-ah DC hovin Women & Child Development Staff ten hemi ni pual hian thing an phun nghal a ni.