3619/2024-2025

Dated Kolasib the 2nd December 2024: Vawiin khan Kolasib ah World Aids Day denchhenin Kolasib District Hospital ah Sensitisation Program hmangin HIV AIDS PREVENTION AND CONTROL ACT 2017 chungchangah District Hospital a thawktute leh CMO a thawktute tan Awareness Campaign neih a ni a. He hunah hian Pi Cacy Malsawmtluangi Ralte CJM Kolasib  leh Secretary,DLSA ni bawk chuan Resource person niin zirtirna a pe a ni.

He hun kaihruaitu Dr RK Lalthlamuana, Sr CMO Kolasib chuan inlawmna thu sawiin Kolasibah HIV dona turin hmalakna hrang hrang an kalpui tawh thu sawiin a hlawhtlinna pawh an hmu chho zel a ni, a ti. HIV an hmuhchhuahte chu an condition a zira rinhlelh te an ni tlangpui a, mipui nawlpui ah test a tam tawklo a ti. A kai tam ber hi Sex atang niin, Condom outlet te Sub Centre, hotel leh hmun hrang hrang ah pawh dah mahse a kai zawng zawng za a 90 (90%) lai hi Sex leh a kaihhnawih avanga kai an ni, a ti.

He hunah hian Pi Cacy Malsawmtluangi, CJM Kolasib chuan zirtirna pe in HIV Aids Prevention and Control Act 2017 in a huam chin leh a tum te a tarlang a. He Act in a tum ber chu Aids darhzau zel loh nana hmalak a ni a ti a. Heti rual hian Aids vei leh an chenpui te venhimna / Protection chungchang Act ina a tarlan te a sawifiah a. Protected person chuan HIV vei chauh nilo an chenpui te thleng a huam thu sawiin heng ho laka thliarhranna leh enhranna nei a, an chanchin ziak emaw sawi emaw, damdawi enkawl na atana a ṭul vang ni lova an information te pek chhuah a nih chuan hrem theih an ni,a ti.

World Aids Day hi kum tin December ni 1 ah hman thin niin kumin erawh Sunday a nih avangin vawiin a Program huaihawt  a ni. Vawiin a HIV Aids chungchang a inzirtirna ahhian an Kolasib District Hospital leh CMO a Doctor leh Nurse te an tel tha hle.