Korean Culture Centre, India(KCCI) chuan kumin July thla chawhnu lam ah Korean zaithiam, lamthiam leh film chanthiam ten ‘K-POP’ Concert Aizawl ah rawn neih an duh thu leh sawrkar puihna an rawn ngen thu Mizoram sawrkar hotute hnenah an rawn thlen a. Hemi chungchang ngaihtuah hian vawiin khan Chief Secretary Pu Lalmalsawma leh sawrkar mi pawimawh te chuan Chief Secretary’s Conference Hall ah an rel a ni.

Chief Secretary Pu Lalmalsawma kaihhruai meeting-ah hian K-POP concert chu Korean Ambassador in Mizoram a rawn tlawh in a hrin, Mizoram leh Korean cultural exchange programme zinga event pakhat anih thu tarlan a ni a. He concert buatsaih hun tur KCCI in an rawn riruat hi Pathianni ah a tlak avangin inrawn that leh a ngai dawn a, concert hun tur hi chiang taka tarlan theih a la ni ta rih lo a ni. Ruahmanna neihlawk dan chuan K-POP concert na a rawn tel tur Korean artistes te leh officials te hi 60 an ni dawn a. Vawiin meeting ah hian heng ho thlenna tur, an mahni venhimna kalpui dan tur, concert an neihna hmun tur bakah sound and lights leh rehearsal an neihna tur te lo buaipui turin mawhphurhna leh chanvo te sem a ni.