No.7000/2020-2021

1.Thian duhtak te u,  CHIBAI. 

2.Krismas hun lawmawmah hian Zoram mipuite duhsakna chibai ka buk a che u. Mizorama kan lo chuan kai hnuah tun tum hi kan nupa tan chuan Krismas vawihnihna a lo ni ta reng mai a. In mi tawiawmna leh in mi duhsakna te zawng zawngah te lawmthu kan sawi leh e.  

3. COVID-19  Hripui lengin min tuam avangin kum 2020 hi khawvela mi zawng zawng tan hun harsa bik a ni a. Amaherawh chu Sawrkar Laipui, kan state sawrkar leh a thlawptu tlawmngai pawl te leh mipui te thuawihna avangin tha takin he Hripui leng hi kan lo hmachhawn thei a; a lawmawm tak zet a. He kan hlawhtlinna chhuanawm tak hi  Hripui leng dona kawnga ral hmatawngtu huaisen tak te inpekna rah a ni a. Inpekna thuk taka nena chhum lo chat loa nitina hnathawk thin – ral hmatawngtu(Fronline Workers) te chungah a bik takin lawmthu ka sawi bawk a ni 

4. Krismas hunpui hi hmangaihna, hlimna leh lawmna nen kan lo hmuak thin a. He Ni ropui tak hi  Lal Isua Krista,  hmangaihna avanga khawvel chhandam tura a nun hlantu piancham pha phak ka hriatrengna ni a ni a. Lal Isua’n midangte hmangaih leh duhsak tura min  zirtir anga kan luanchhuah na  hun a ni. Chuvangin he hunah hian kan chhehvel te thlir kualin kan aia chan chau zawk – mi harsa leh tanpui ngai te tanpuina hunah hman tum ila. Hripui leng avanga harsatna tawkte tanpui leh chhawmdawl hi kan Krismas hman dan tur dik tak pawh a niin ka ring a. He hun lawmawmah hian midangte tanpuitu leh midangte hlim leh lawmna thlentu nih theuh kan tum dawn nia.  

5. Lal Isua khan mizawng zawng nena inrem a awm tur leh midang te hmangaih turin min zirtir a.  He zirtirna pawimawh tak midangte nena inremna leh impumkhatna hi tunah hian kan ram, kan hnam leh kan khawtlangin a mamawh em em a ni. Kan chenna hmun te hrangin In an lohna te leh tlemin kan chin dan te danglam deuh thin mahse in ang tlanga Pathianin a siam mihringte kan ni tih erawh kan hriat reng a ngai a.  Chutiang zelin India ram zau tak chhunga cheng hnam hrang hrang leh tawng chi hrang hrang hmang te pawh  hi nghet taka phuar khawm leh impumkhat kan ni reng a. He kan inpumkhatna hi kum zabi 21-naah hian ram ropui zawka min hruai thlengtu tur a ni tih I hre thar leh theuh ang u. 

6.Nikum Sahmulphah thlaa  Larsap nihna ka chelh hnu lawk khan Mizoram dung leh vang ka fang chhuak a. Heng ka zinnaah te hian Mizote’n theihna sang tak kan nei a ni tih hi ka hmu chiang em em a. Heng kan theihna te hi a takah chantirin kan thil neih te tangkai taka kan hman thiam phei chuan state hmasawn ber pawl kan ni dawnin ka hria a ni. Kan hmasawnna kawng zawhnaah hian a pawimawh hmasa nia ka hriat chu Hriselna kawngah hian tun aiin tan kan lak nasat a ngaiin ka hria a. Nundan phung leh khawsak dan hrisel zawk te kan chin chuan tuna natna chi hrang hrang kan vei mek leh min hnuk hniamtu te hi kan nuaibo thei turah ka ngai a ni. 

7. Kum 2021 chhunga kan tawrhna zawng zawng te hi hnung chhawnin beiseina thar nen kum 2021 phur taka thlir lawk turin kan in chah a. COVID-19  hripui leng vanga tawrhna te hi kan tan malsawmna – remhriatna leh intodelhna kawnga harhtharna atan kan chantir hlauh thei a ni. Kan Prime Minister zahawm takin a lo tlangaupui thin ‘ATMANIRBHAR BHARAT’ – India intodelh tih hi a takin a thleng chho mek a. Kan ram ropui leh zualna tur atan leh intodelhna na kawnga ke pen kawngah te hian keini khua leh tui tha te chuan  mawhphurhna sang tak kan nei tih hre thar leh ila. Kum tharah hian kan thil tum – India ram intodelhna kawnga hlawhtlinna thlentir tur hian kan theihna zawng zawng sawm khawm in tan I la thar leh ang u. 

8. A tawp berah chuan Mizoram mipui zawng zawng te hlim leh lawm taka Krimas leh Kumthar hmang theuh turin duhsakna ka hlan nawn leh a che u.

9. Ka lawm e.

10.Jai Hind!