2090/2025-2026

Lunglei, 2025 Khuangchawi thla ni 28: Lunglei Municipal Council (LMC) Chief Executive Officer Pu Malsawmtluanga chuan October ni 23, 2025 khan kum 2025-a LMC huam chhunga Krismas Bazar siam chungchangah a hnuaia mi ang hian mipuite hnena hriattirna a chhuah.

Krismas lo thleng tur inbuatsaihna kal zelah Lunglei Municipal Council chuan Lunglawn Mualah Krismas Bazar siam turin ruahmanna a kalpui mek a. Hetah hian Stalls, Food Stalls leh Play Park siam tum a ni. Heta stalls chhang duh chuan Lunglei Municipal Council office-ah Application form ₹10-in lei tur a ni. Mipuite'n kan lo hriat tlan atan Lunglawn mual tih lohah chuan inphona hmun tur hi siam phal a ni dawn lo a. Dawr siam turte chuan LMC-ah buaipui turin kan inhriattir e.