2091/2025-2026

Lunglei, 2025 Khuangchawi thla ni 28: Lunglei Municipal Council (LMC) Secretary Pi Zoramdini chuan October ni 27, 2025 khan LMC-in Property Tax a khawn chungchangah a hnuaia mi ang hian mipuite hnena hriattirna a chhuah.

Lunglei Municipal Council-in Property Tax 2025-2026 a khawn leh tur chungchangah he'ng a hnuaia point hrang hrang tar lante hi a ṭul anga hma an lâk theih nan mipuite hriattir an ni e.

1. Property Tax 2024-2025 khawn mek chu November 15, 2025 (Inrinni)-ah pêk hun khâr a ni dawn a. Khâr a nih hma ngeiin tax la pe lo zawng zawngin pek vek tur a ni. Hun tiam chhunga pe lo kan awm chuan penalty 10% nen an pek a ngai tawh ang.

2. Property Tax Assessment lâk hmaih kan awm chuan November 15, 2025 (Inrinni) ral hma ngeiin mahni awmna Local Council-ah in-report vek tur a ni a, in-report lo chu hriat chhuah an nih hunah 2024 aṭanga an tax chawi tur arrear nen an chawi leh vek dawn a ni.

3. Kum 2025-2026 bik atan Property Tax complain hun hi October 27, 2025 - November 15, 2025 chhungin hawn leh a ni a. Hemi hun chhung hian complain turte'n Lunglei Municipal Council Office-ah ziakin complaint hi theh luh tur a ni a, biak tlang theihna phone number leh UPIN tar lan vek tur a ni e.