3107/2023-2024
Home Department, Govt. of Mizoram atanga lehkha kan hmuh angin Krismas leh Kum thar vuakveta mipui bazar; kea kalte him zawk nan “No Vehicle Zone” chu ni 22, 23, 29 leh 30 December, 2023-ah te hman tur a ni a, lirthei tlan dan tur pawh hetiang hian ruahman a ni.
1. Chanmari (Lower Zarkawt huam telin) leh Zodin Square inkarah Zing dar 10:00 atanga Tlai Dar 4:00 chhungin lirthei eng mah (Thirsakawr leh Nawrlirh huamin) tlan phal a ni lo.
Hei hian Hospital Emergency duty bakah, natna avanga Damdawiin pante a huam lovang.
2. Civil Hospital atanga lirthei chhuakte chu Dawrpui Biakin lamah kual loin Civil Hospital Road atanga Bazar Bungkawn lama tlan thlain Saron Veng lamah kal tur a ni.
3. No Vehicle Zone-in a huam china Taxi Stand-te chu A.R Mandir ep leh AR Quarter Guard hnuaia parking area-ah te sawn a ni.
4. Chanmari leh Zodin Square inkarah (Lower Zarkawt huam telin) lirthei engmah No Vehicle Zone hun chhungin dah phal a ni lo.
5. No Vehicle Zone chhung hian chhim leh hmar inkalpawhna kawngpui (main road) khar a nih dawn avangin a helna tura ruahman kawngpui dungah te traffic jam avanga harsatna a thlen lohna’n bungrua leh lirthei engmah dah phal a ni lo. “No Vehicle Zone” hela lirthei tlan dan tur chu hetiang hi a ni:
A. Lirthei hmar lam pante’n Zodin Square an pel thei lovang a, hetiang in:
(i) Tlak lamah: Temple Square atangin Vaivakawn lama kalin Chanmari West lama chhoh emaw Company Peng lama chhukthlain emaw hmar lam pan theih a ni.
(ii) Chhuah lamah: Sikulpuikawn atanga Ramhlun road via Republic Veng-College Veng - Bethlehem Veng - Chhinga Veng - Electric Veng lamah kal theih a ni.
Tin, Treasury Square atangin Electric Veng via Republic Veng - College Veng – Bethlehem Veng – Chhinga Veng lamah a kal theih ang.
(iii) Aizawl khawpui lut lo turte chu Aizawl by-pass road ‘World Bank Road’ ah engtiklai pawhin a kal theih ang.
(iv) Tuithiang peng, Chhinga venga Pi Sapdengi In bul atangin chho zawngin tlan phal a ni lo.
B. Lirthei Chhim lam pante’n Chanmari Bus Stand leh Hrangbana College an pel thei lovang. Tin, Chanmari kawn atangin Lower Chanmari, Lower Zarkawt lamah kal phal a ni lova, a hnuaia tarlan kawngah te hian kal theih a ni.
(i) Chanmari Biakin atanga Vaivakawn Road via Kawipui, Chanmari West.
(ii) Bawngkawn atanga ITI Road via Ramhlun, Electric Veng etc.
(iii) Lirthei reng reng Bazar Bungkawnah chhuah chhoh phal a ni lova, Modern High School bulah kual thlain Saron Veng/Chhinga Veng lamah an let ang.
Tin, “No Vehicle Zone” helna kawngin a paltlang Local Council hruaituten traffic jam avanga mipuiin harsatna an tawh lohnan theihtawp min chhuahpuia kawngpui dunga lirthei leh bungrua dah hnawk a awm loh nan vengchhung information centre atanga min puanzar sak tura ngen leh beisei an ni.
C. Thil zawrh chungchang:
No Vehicle Zone huamchhungah Zing dar 10:00 atanga Tlai Dar 4:00 thlengin mipui kea kalte tibuai thei turin kawngpui dungah thil zawrh leh dah khap tlat a ni.
D. Dropping leh pick up:
A hnuaia kawng tarlanah te hian dropping leh pick-up tur ringawtin lirthei a lutin a chhuak thei ang :-
(i) Hmar lamah : Chanmari Biakin helin hmar lamah an kual let leh ang.
(ii) Chhimlamah : Zodin atangin Canteen kualah, AR Mandir helin chhim lamah kual let tur a ni.
E. Parking Area :
(i) Hmar lamah :
Two Wheeler tan a hnuaia tarlanah te hian parking ruahman a ni.
a) Govt. Mizo High School Field.
b) Govt. Mizo Higher Secondary School, Commerce Department Gate bulah.
c) Govt. Mizo Higher Secondary School Multi Level parking hnuai ber.
d) Hrangbana College leh Higher and Technical Department Office inkarah.
e) Chanmari Biakin atanga KFC dawr thleng.
Tin, Four Wheeler tan bik Pu Dr.Lunghnema In, Chanmari atangin Chaltlang Dawrkawn inkar kawngpui sir zau laiah chauh park theih a ni.
(ii) Chhim lamah : Two Wheeler tan a hnuaia tarlanah te hian parking ruahman a ni.
a) DC Office peng atanga SP, Aizawl Office peng inkar.
b) Dak Inpui leh Supply Department Office kawt.
Tin, Two Wheeler leh LMV tan a hnuaia tarlanah te hian parking ruahman a ni.
a) Aizawl South Treasury Office kawt.
b) Planning Office kawt.
c) City Park kawt kawngpui dungah.
d) Aijal Club atanga Revenue Office inkar.
F. No Parking : A hnuaia kawng tarlan ah te hian lirthei eng mah kawng dala dah phal a ni lo.
a) Temple to Vaivakawn road.
b) Vaivakawn Hunthar peng to Company peng leh Vaivakawn atanga Chanmari Traffic Point via Chanmari West.
c) Bawngkawn to Sikulpuikawn via Ramhlun North - Ramhlun South -Aizawl Venglai – Electric – Chhinga Veng – Saron Veng – Tuithiang Veng – Bethlehem Veng - College Veng - Republic Veng - Upper Republic/Treasury Square.
d) Armed Veng to Chhinga Veng Road; Pi Sapdengi In bul thleng.
e) Ramthar Sihpui to Chhinga Veng via Electric Veng.
Hei hian chhiatrupna thil; kangmei leh emergency pawimawh bika duty, dan leh thupek pawimawh bika Police leh Magistrate duty-te chetvelna a huam lo vang.
