Mizoram mipui duhtak te,

CHIBAI!

Kan hma lawka  Krismas hun lawmawm tak leh kumthar lo awm turah atan duhsakna  chibai ka buk a che u.

Isua Krista painchampha phak lawmna ni ropui tak, Krismas hi Kristiante tan chuan hun pawimawh bik a ni a. He hun hi mitin tana hun hlimawm  leh midangte tana luanchhuahna  hun a ni. Lal Isua chuan  hmangaihna, inremna leh duhsakna thuchah a rawn keng a. Lal Isua zirtirna -  lainatna leh dawhtheihna hi tûn lai khawvêlah hian a pawimawh lehzual a ni.

Mizoramah chuan kan State Legislative Assembly-a General Election kan zo fel ta a. Vote nei ten phur takin Inthlannaah vote an thlak a, vote a tla tha hle kha thil lawmawm tak a ni. Inthlanna muanawm taka kan kalpui thin leh a hnuhnung berah pawh ka kalpui leh ta kha  midangte entawn tlaka mawi a ni.

Kan  Prime Minister zahawm takin  kum 2047-a Viksit Bharat( Developed India)  nih kan tum thu a sawi a. Khua leh tui tha  kan nih angin India ram chu ramchangkang zinga a tel ve theih  nan tihtur leh  chanvo kan nei vek a ni. He thil tum tihlawhtling tura hmalakna pawimawh tak pakhat  leh kan tih theih chu Central Government Scheme hrang hrangte tha taka hman tangkai a nih theihna atan tanlak hi a ni.

Kan hriat angin Central Government Scheme tam tak a awm a, chu chu mipui vantlang tana hamthatna leh  hlawkna tur a ni. Heng scheme te hian sector pawimawh zawng zawng a huam vek a, chung zingah chuan agriculture, industry, health, social security, leh thil dang tam tak a tel a ni. Heng scheme te hi a taka kalpui a nih chuan awlsam takin Hnam changkang tak ni turin kawng dik kan zawh thei dawn a ni.

Kum lo thar tur, kum 2024  hi beisei tak leh phur takin  kan thlir lawk a. Mizoram mipuiten Sawrkar thar an vote tling a, he sawrkar thar hian hna tha taka a thawh theih nan duhsakna sang ber ka hlan a ni. Kumthar hian kan Hnam leh kan State tan hmasawnna hun a rawn thlen sen tih  ka duh tak zet a ni.

In zavaiin, Krismas leh Kumthar chibai ka buk nawn leh a che u!

KA LAWM E

Jai Hind.