3647/2024-2025

Dated Hnahthial, the 23rd December, 2024: Krismas leh Kumthar vuakveta Hnahthial mipuite buai loh nan petrol leh diesel lei leh hralh dan tur khuahkhirhna Hnahthial Bawrhsap chuan a hnuai ami ang hian thupek a chhuah.

ORDER

Krismas leh Kumthar hunpui vuakvetah lirthei veivak a pun nasat avangin Oil (Petrol leh Diesel) mamawhna a sang chho zel a. Hnahthial District mipuite'n Oil (Petrol leh Diesel) harsatna an tawh loh nan leh rualkhai taka Petrol/Diesel an hmuh theih nan "The Mizoram Trade Article (Licencing and Control) Order, 1987" para 24 leh 25 tlawhchhanin POL Control Order hi siam a ni.

1. Petrol Pump (Filling Station) neitute'n Petrol Litres 3000 an neih chinah DC Office ah report an pe ang a. DC Office atanga Permit pekchhuah hmang chauhvin an hralh chhuak ang.

2. Diesel hi Litrs 4000 an neih chinah DC Office ah report an pe ang a. DC Office atanga Permit pekchhuah hmang chauhvin an hralh chhuak ang.

3. Oil (Petrol leh Diesel) Sorkar man bithliah aia sangin (Blackmarketing) tumahin an leiin an hralh tur a ni lova. Filling Station atangin mahni mamawh zat aia tam Gallon emaw bur emaw hmangin hralh chhawn atan an la tur a ni lo. Tin, Oil hi sumdawnna atan a hlawma hralh chhuah khap a ni.