4389/2025-2026

Lawngtlai, 10th February 2026: Kuhva rah tawlh ruk chungchangah a hnuaia mi ang hian Lawngtlai Bawrhsap chuan thuchhuah a siam.

ORDER

No.J.11013/1/2025- DC (LTI):- Lawngtlai District chhungah Kuhva rah tawlh ruk, dan lova phurh luh a lo tawp theih nan thupek chhuah tula hriat a ni. 

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Bharatiya Nagarik Suraksha Sanhita, 2023(BNSS), Section 163 - nain thuneihna min pek angin a hnuaia thupek hi ka chhuah e. 

1. Lawngtlai District Chhungah Kuhva rah tawlh ruk dan lova phurh luh khap tlat a ni. 

2. Lawngtlai District chhungah Kuhva rah tawlh ruk dan lova phurtute hnen atangin danin a phut ang ni lo pawisa lak khap tlat a ni. 

3. Lawngtlai District chhungah Kuhva tawlh ruk dah khawlna tur kudam sak khap tlat a ni. 

He thupek zawm lo te chu Section 223, Bharatiya Nyaya Sanhita, 2023 (BNS) hmanga hrem an ni ang. 

He thupek hian Lawngtlai District pum a huam anga, thu leh awm hma chu tih chhuah a nih atang thla hnih(2)chhung a huam ang. 

He thupek hi vawiin Date 10.02.2026 hian District Magistrate Seal-a nem nghetin ka hming ka ziah hnan e.

Sd/- 

DONNY LALRUATSANGA

District Magistrate 

Lawngtlai District, Lawngtlai