4388/2025-2026

Lawngtlai, 10th February 2026: Lo/ huan hal chungchangah a hnuaia mi ang hian Lawngtlai Bawrhsap chuan thuchhuah a siam.

ORDER

No.J.11013/1/2025- DC(LTI):State Level Committee on Fire Prevention Meeting Dt.22.01.2026 in a rel angin, kangmei lakah mihring, in leh bungrua, ramngaw leh nungcha te kan him tlan zawk nan khapna thupek hi chhuah tul ni a hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Section.163 of Bharatiya Nagarik Suraksha Sanhita (BNSS), 2023 in thuneihna min pek ang in a hnuaia thupek hi ka chhuah e.

1. Mi tumahin March ni 15, 2026 hnu lamah lo/huan leh leipui an hal tur a ni lo.

2. Mi tumahin meilam tha tawk sial hmasa lo chuan lo/ huan leh leipui an hal tur a ni lo.

3. Mi tumahin ramhnuaia an mei chhem ti mit lo in an kalsan tur a ni lo.

4. Khawi khua pawh an ram chhunga March ni 15, 2026 hnu lama lo/huan, leipui hal an awm a, an report loh chuan a tul anga action lak a ni ang.

He thupek zawm lo chu Section. 223 of Bharatiya Nyaya Sanhita (BNS) hmangin hrem theih an ni ang.

He thupek hian Lawngtlai District pum a huam anga, thu leh awm hma chu tih chhuah a nih atanga thlahnih(2) chhung a huam ang.

He thupek hi vawiin Date 10.02.2025  hian District Magistrate Seal- a nemnghetin hming ka ziah hnan e.

Sd/-

DONNY LALRUATSANGA

District Magistrate

Lawngtlai District, Lawngtlai