1545/2025-2026

Lawngtlai, 23rd September 2025: Kuhva ro purh emaw tawlh chungchangah a hnuaia mi ang hian Lawngtlai Bawrhsap chuan thuchhuah a siam.

ORDER

No.J.11013/1/2025 - DC (LTI):-Sawarkar hriatpuina tel lova lirthei-a Kuhva ro phurh/tawlh hi dan kalh tlat a ni a, Lawngtlai District huamchhungah dan phal lohva Kuhva phur an awm loh nan khapna thupek chhuah tula hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Bharatiya Nagarik Suraksha Sanhita, 2023 (BNSS), Section 163 - in thuneihna min pek angin a hnuaia tarlan ang hian thupek ka chhuah e.

1. Lawngtlai District chhungah khawi hmunah mah dan ang ni lova Kuhva ro lak luh leh phurh luh khap tlat a ni.

2. Lawngtlai District huamchhungah mi tumah in ram pawn atanga lakluh Kuhva dah khawlna (Godown/Kudam) an siam tur a nilo.

He thupek zawm lo te chu Section 223, Bharatiya Nyaya Sanhita, 2023(BNS) hmanga hrem an ni ang.

He thupek hian Lawngtlai District pum a huam anga, thu leh awm hma chu tih chhuah a nih atanga thla hnih (2) chhung a huam ang.

He thupek hi vawin Date 22.09.2025 hian District Magistrate Seal a nem nghetin ka hming ka ziah hnan e.

Sd/-

DONNY LALRUATSANGA

District Magistrate

Lawngtlai District, Lawngtlai