No.348/2021-2022
Aizawl, 1st May, 2021 : India sorkarin kum 18-44 inkar May ni 1, 2021 atanga vaccine a pek tur chu Mizoramah pawh buaipui zel a ni a. Hemi atan hian sorkar laipuiin a thlawna vaccine a rawn pek tawh sa hi hman theih a ni lova, kum 18-44 inkar pek tur bik hi chu State tinin a hranpa a kan lei a ngai a. Covishield Vaccine siamtu, Serum Institute Pvt. Ltd., Pune pawh Mizoram sawrkar chuan dawr tawhin, anni hian rampuma pekchhuah tur an buaipui avangin, rang takin an supply zung zung thei lova, chuvangin kum 18-44 inkarte chuan la nghah hlek a ngai dawn a ni.
