No.546/2021-2022
Kolasib: Dated the 17th May, 2021: Chief Medical Officer, Kolasib chuan a hnuaia mi ang hian Covid-19 hri danna pek chhuah chungchangah thuchhuah a siam:
Mizoram sawrkar chuan kum 18-44 inkarte tan Covid 19 Vaccination chu Dt.17.5.21 (Monday) atangin kalpui a tum a. Health & Family Welfare Department in Dt 10.5.21 a thuchhuah a lo siam tawh angin heng a hnuaia mite hi ngaih pawimawh hmasak tur an ni a. Kolasib district-a kum 18-44 inkarte tan a vaccine pek tur a lo thlen hunah pawh he ruahmanna hi zawm tur a ni ang.
Vaccine pekna hmun tur : Diakkawn YMA Hall, Kolasib Diakkawn.
Vaccine pek ni : 19th – 20th May, 2021
A hun : 10AM – 3PM
1. LPG phurtute leh mipui hnena semtute
2. Petrol pump-a hnathawk te
3. Bawnghnute sem
4. Print & Electronic media-a thawkte leh chanchinbu semtute
5. PHE department-a tui semtute
6. Power supply enkawltute
7. Damdawi dawr nghaktute
8. Bank-a thawkte
9. Airport-a thawktute
10. Public Transport-a driver leh conductor
11. Post Office-a thawkte
12. Mipui tana hna tangkai thawk, Covid-19 an lo kai palha mi tam tak hnena kai darh thei te.
Vaccine la tur te hi mobile phone atangin emaw computer hmangin selfregistration.cowin.gov.in ah inziahluh hmasak tur ani a, tun atangin mahniin inziahluh hi tih lawk nghal theih a ni a, inziak lut chauh ten vaccine hi an la thei dawn a ni.
Kum 18-44 inkar tana Co-WIN a in Register dan tur
1. I browser ah selfregistration.cowin.gov.in type la.
2. Mobile phone enter na tur a lo lang anga, I mobile phone no. type la, i type zawhah 'GET OTP' tih kha hmet la, tichuan 6 digit OTP i dawng ang.
3. OTP Verification screen a lo lang anga, OTP Digit ruk i dawn kha i enter anga, chumi zawhah ‘VERIFY' tih kha i hmet leh dawn nia.
4. OTP in verify zawhah, ‘Welcome' tih screen a lo lang ang. I number ngai khan midang 3 i register ve thei bawk a ni.
5. Register Member tih kha hmet la, ID Proof leh a number, i hming, gender, pian kum te enter leh la, chumi zawhah 'Register’ tih kha i hmet leh dawn nia. Tichuan 'Individual Registered Successfully' tih a lo lang ang.
6. Tichuan Account Details tih a lo lang leh anga, 1 phone number ngaia midang registration i tihsak duh chuan ‘Add Member’ tih kha i hmet anga, I registration tih ang chiahin a step by step in i tihsak ve leh thei.
7. Tichuan Vaccination Slot i book dawn khan, i hming ding lam sira 'Schedule' tih kha hmet la, "Schedule now” tih lo lang leh anga chu chu i hmet leh ang.
8. Book Appointment for Vaccination tih a lo lang anga
a) Search by PIN (e.g. 796001)
b) Search by District (e.g. Aizawl East)
tih lo lang bawk anga, I duh zawk zawkah khan i search thei a, tichuan I kum a zira Vaccine i lak theihna tur hmun hming leh date a lo lang ang ( e.g. Kum 18-44 inkar tan Session Site hming bula 18-44yrs tih lang ah khan book tur ani, Age 45+ ah booking a tih theih loh.
9. Tichuan, i kum a zira i lak theihna hmun (18-44 tih lo lang tel ang) zawna slot awmzat (number ah khan) ah khan hmet la, Time Slot Selection' lo lang anga, tichuan i hman hun mil khan a dar zatah khan i hmet leh anga, chumi zawhah 'Confirm' tih i hmet leh anga, chumi zawhah 'Appointment Successful' tih lo lang ang. I appointment confirmation kha i download duh anih chuan a chung dinglam sir a 'Download' tih kha i hmet ang.
