No.545/2021-2022

Lunglei the 17th May, 2021 – Mizoram Sawrkar thuchhuak No.B.13021/101/2020-DMR/Vol-IV dated 14/05/2021 Para B (3) hnuaia Eichawp Dar leh Chawhmeh zawrhna Thawhlehni leh Zirtawpni a hawn phal chu Lunglei khawpui tana kalpui dan tur ngaihtuahin vawiin khan Addl DC Pu M Misael office chamber-ah meeting neih a ni.

He hunah hian a kaihhnawih sawrkar official-te leh Lunglei District VC Association, Sub Hqrs YMA Lunglei leh Lunglei khawpui chhunga commercial area panga atangin VLTF hruaitute an tel a ni.

Meeting chuan kar hmasa a bazar ni lo kalpui tawh dan leh Lunglei District dinhmun uluk taka an ngaihtuah ho hnuin thuthlukna an siam a, hemi zulzui hian Lunglei DC Pu Kulothungan A chuan a hnuaia Hriattirna hi vawiin (May ni 17, 2021) khan a ti chhuak a ni:

Lunglei District mipuite hripui leng mek laka kan lo him tlan zawk nan Sawrkar thuchhuak No.B.13021/101/2020-DMR/Vol-IV, Dt. 14.05.2021 Clause B (3) behchhanin Lunglei khawpui chhungah dawr bungraw lakkhawm, semchhuah leh chhungkua/mimal chakkhai lam hun leh dawr hawn dan tur chu a hnuai-a tarlan ang hian ruahmanna siam a ni a. Lunglei District-a VLTF tin te chu he ruahmanna siam hi zawm theuh tura ngen an ni.

A. BUNGRUA SEM CHUNGCHANG
Ni 17.05.2021 Thawhtanni (Monday) zan leh ni 20.05.2021 Ningani (Thursday) zan dar 8:00 atanga zanlai dar 12:00 inkarah veng hrang hrang wholesale dawr neitute chuan veng hrang hrang dawrkaite hnenah bungrua an semchhuak ang. Heng wholesale dawr neitute hian mahni chenna veng VLTF leh dawr neihna veng VLTF lehkha an keng tur a ni.

B. NI 18.05.2021 THAWHLEHNI (TUESDAY) LEH NI 21.05.2021 ZIRTAWPNI (FRIDAY) DAWR HAWN LEH BAZAR CHUNGCHANG
1. Zing dar 5:00 atanga chawhma dar 10:00 inkarah thlai leh sa zawrhna hmun te a inhawng ang-a, thlai leh sa te chu mahni vengchhung-a lei tur a ni a, mahni vengchhunga mamawh kim lo veng danga bazar tur te chuan mahni chenna VLTF hriatpuina/remtihna lehkha an keng tur a ni a. Chhungkaw pakhat atangin mi pakhat bak an chhuak tur a ni lo a, hemi hun chhung hian dawr dang inhawn phal a ni lo.

2. Chawhma dar 10:00 atanga chawhnu dar 2:00 inkarah District Headquarters pawn lam dawrkaite chuan Lunglei khawpui chhung veng hrang hrang wholesale dawr atangin dawr bungrua an lamkhawm ang. Bungraw lamkhawm tur te chuan mahni khua VLTF hriatpuina lehkha an keng tur a ni.

3. Chawhnu dar 2:00 atanga tlai dar 5:00 inkarah District Headquarter huam chhung veng hrang hrang-a dawrkai ten mahni chenna veng VLTF te hriatpuina/remtihna lehkha kengin wholesale dawr atangin an mamawh an lamkhawm ang-a, vengchhunga dawr nei nilo tan bungraw lak phal a ni lo ang.

4. Chawhnu dar 2:00 atanga tlai dar 5:00 inkarah vek hian SOP in-a a phal chin eichawp leh nitin mamawh (essential commodities) dawr a inhawng ang-a, District Headquarters-a cheng te chuan mahni chenna veng chhungah essential commodities an lamkhawm ang. Veng dang-a bazar phal a ni lo-a, chhungkaw pakhat atangin mi pakhat bak an chhuak tur a ni lo.