Nimin ni 24 November khan DC’s Office Chamber-ah Kumin 2011 Krismas leh 2012 kumthar hlim taka hman dan tur Pu Rodney L. Ralte IAS District Bawrhsap Mamit District Mamit kaihhruaina-in rel a ni.
He Meeting-ah hian mipui nunau zawkte leh tar chak lo zawkte pawhin ralmuang leh hlim tak Krismas leh Kumthar kan hman theih nan Mamit khawpuiah Duty Post Engngemawzat siam ni se, Dan leh thupek kengkawhtuten dan in a phalloh titute man an awm pawhin dan anga an chungah hremna lek kawh ni se tih te, Puak thei thil lam reng reng te leh Silai lem, a mu awm chi reng reng hman, zawrh hralh leh hal phal loh ni se tih te, A tul dan ang zel a Check Gate pawh District Magistrate leh Police lamten lo siam se tihte bakah Sorkar ruahmanna anga kumhlui thlah zanah thalaite pual intihhlimna buatsaih ni se tih te rel a ni.
He Meeting-ah hian Mamit khawpui chhunga Dan leh thupek kengkawhtute, Tlawmngai Pawl hrang hrang YMA, MHIP, MUP hruaitute, Khawtlang hruaitu V/C te, Mamit Taxi Owner leh Truck Owner Association te, Kohhran hruaitute leh thuthar thehdarhtute an tel tha hle a ni.
