Kum 2018 General Election to Legislative Assembly, Mizoram in kan neih turah inbuatsaihna hrang hrang District tinah kalpui chhoh mek zel a ni. Aizawl ah chuan Ni 3 September, 2018 (Mon) khan Mizoram Chief Secretary Pu Arvind Ray, IAS chuan New Secretariat ah Aizawl DC Election Branch buatsaihin EVM leh VVPAT (Voter Verified Paper Audit Trial) chungchang mipui zirtirna chu a hawng. Mock Poll neih nghal a ni. Polling Station tina vote thlak pawirnawh zia zirho turin, Mobile Polling Station Van chu District headquarters atangin thawn darh an ni tawh bawk. Tin, Static EVM Centre-ah mi tarn takin vote an thlak chhin tawh a, SVEEP campaign kalpui mek a ni bawk.

District hrang hrangah Mobile Van 38 nos. leh Static EVM Centre 7 dah mek niin a vaiin mi 7399 mock poll ti tawh an awm a. Ni 7.9.2018 khan Vanapa Hall, Aizawl-ah Pu S.B.Shashank, IAS, Chief Electoral Officer, Mizoram chuan Sensitization Workshop on EVM leh VVPAT (Voter Verified Paper Audit Trial) chu hawnna a nei a. CEO chuan, Election Commission of India duh dan chuan kum 2018 inthlannaah Mizoram mipuiten a vawikhatna atan VVPAT hman a nih tur thu leh he VVPAT hmangin mahni vote thlakna a finfiah nghal thei dawn a, hei hian mipuiah rintawkna a tuh ngei a rin thu a sawi. Workshop hi political party, MPF, NGO leh zirlai thahnem takin an chhim. Zawhna leh hriatthiam lohte inhrilhfiahna hun tha tak hman niin, mock poll station ah vote thlak chhinna neih a ni bawk.