MLA General Election,2018 hmachhawn meka inbuatsaihna kal chho zelah vawiin khan Dr Lalhriatzuali IAS,Deputy District Election Officer kaihruaina in DC Conference Hall,Aizawlah Persons with Disability – Rualbanlo ten vote an thlak ve ngei theih dan tur chungchang meeting neih a ni a.Social Welfare Department a Officer leh he mi lam kaihhnawih DC Officea Officer te nen sawiho ani.
Vote thlak Ni ah vote thlak thei chin te chuan vote thlak ngei chu a pawimawh in khua leh tui tha te tihtur pawimawh tak anih thu Pi Lalhriatzuali chuan sawifiahin he ni ah hian rualbanlo ‘Persons with Disability’ te pawhin vote an thlak ve theih ngei chu ngaih pawimawh anih thu leh chumi atana inbuatsaih dan tur ngaihtuah ho leh hmalak dan tur hrang hrang sawiho a ngaih thu a sawi a. Rualbanloh dan chi hrang hrang a awm a,a then chu vote la nei pha lo hrim hrim te leh rilru lam fello vote thlak ngaihna awm lo te an ni a.Vote thlak thei anga ngaih chin te chuan vote an thlak ve ngei theihna tura tan lak a tul a, chutah chuan Social Welfare Department a CDPO leh an thawhpui te’n lo ngaihven atul dan te a sawi bawk.
Vawiin meetingah hian Rualbanlo anga in ziaklut record neih dan leh kum tling tawh si,EPIC Card la nei lo chhui zui leh chumi atana hmalak dan tur te sawi ho ani a.Chumi chu la enfel ho leh turin remchang hmasa berah meeting nei leh tura rel ani.
