4613/2024-2025

Aizawl, the 12^th March 2025 : Kum 2025-26 atana Indian Army hnuaia sipai Agniveer lakna tur online-a inziahluhna hun Online Registration chu vawiin March ni 12 atangin hawn ṭan a ni a, inziahluhna hun hi April ni 10 2025 thleng hawn a ni dawn a. Registration ti duhte tan www.joinindianarmy.nic.in ah in ziahluh thei a ni a. Agniveer lakna tur hi chhawng hnih a kalpui ṭhin a ni a, Phase – I hi Online Computer based Written Exam niin Phase II hi Recruitment Rally (Physical test leh document endikna) a ni ṭhin a, Phase I paltlangte tan chauh Phase II hi kai theih a ni.

Registration man hi cheng 250 a ni a, dilna form hi online a thehluh vek tur niin he website – www.joinindianarmy.nic.in ah hian category leh trade hrang hrangte, exam chungchang, physical leh medical standard-te leh hriattur pawimawhte tarlan vek a ni.

Nikum a Agniveer Sipai lakna tur ah hian Mizoramin atangin mi 740 onlin registration an ti a, chung zinga mi 350 chuan Phase I (Written Exam) patlangin, mi 350 atangin mi 57 in Phase II hi an paltlang leh a, mi 57 Mizoramin atangin nikum khan lak an ni ta ni.