4612/2024-2025
Kolasib Dated the 11th March, 2025 : Vawiin chawhnu dar 1:30 khan District Hub for Empowerment of Women, Women & Child Development, Kolasib District leh Women's Cell and Internal Quality Assurance Cell(IQAC), Government Kolasib College-te buatsaihin International Women's Day lawmna hun Govt. Kolasib College Hall-ah neih a ni a. He hun hi Kolasib Sr. SP, Pu David H. Lalthangliana chuan khuallian niin a hmanpui.
Pu C. Vanlalzapa i/c District Programme Officer chuan vawiin hun hi kaihhruaiin he huna kalkhawmte lawmna hun a hmanga. Khuallian Kolasib Superintendent of Police, Pu David H. Lalthangliana chuan thusawina hun hmangin, India ram dan hnuaiah mihring dikna chanvo humhalh hna chu mitin mawhphurhna a nih thu a sawi a. Hmeichhia chunga hleilenna leh rahbehna chu India danpui Constitution palzutna lian tak a nih thu a sawiin mitin dikna chanvo humhalh turin Sawrkar chuan dante a siam thin thu a sawi bawk. Khawvel hmun hrang hranga Mipa leh Hmeichhia inkara intluktlan lohna awm thin lakah Mizoram chu tun dinhmunah chuan kan tha thawkhat ni a a hriat thu a sawi a, chutihrualin hmun thenkhatah hmeichhiate rahbehna leh hmeichhia laka hleilenna a la awm thin chu pawi a tih thu sawiin hmeichhia rahbi rap tleu leh tawhsual tawk tawhte hmuhsitna leh zuam taka an chhunga khawsak hi mihring dikna chanvo palzutna lian tak a nih thu a sawi a. Sawrkar chuan hmeichhiate dinhmun chawikang turin nasa takin hna a thawh reng thu a sawi lang bawk. Kolasib Senior SP Pu H. Lalthangliana chuan he hunah hian Chhungkua inrelbawlna tha pawimawhna sawiin, khawtlang tha leh ram ralmuang, mitin in kan dikna chanvo kan humhalh theihna chu Chhungkua a nih thu a sawi lang bawk a ni.
Vawiina Kolasiba International Women’s Day hmanna ah hian Dr. Malsawmi Pachuau chuan History of National Women's Day tih thupui hmangin Hmeichhiate Ni a lo dinchhuah dan sawizauna a nei a. Major Caroline Z. Pachuau (Retd.) District Sainik Welfare & Resettlement Officer leh Pi Cacey Malsawmtluangi, Chief Judicial Magistrate-te’n National Women’s Day pual hian fuihna thuchah an sawi bawk a ni. He hunah vek hian Kolasib District chhunga hmeichhe hlawhtling thlanchhuahte chawimawina hun Feliciatation of Women Achievers neih a ni a. Lalremsiami, Olympian, Lalthansangi, National Women's Football Referee leh Vanlalhmangaihzuali, Taikwondo, International Black Belt-te hnenah khuallian hian chawimawina a hlan a ni.
He hunah hian Govt. Kolasib College zirlai 6th Semester-te an tel theih bakah MHIP Sub-Hqrs Kolasib-te an tel thei bawk a ni.
