4611/2024-2025
11th March, 2025 : Vawiin khan Mizoram Electricity Regulatory Commission (MZERC) huaihawtin Mizoram State Advisory Committee meeting vawi 27-na Aijal Club ah Er. Benjamin L.Tlumtea, Chairperson, MZERC kaihhruaina hnuaia neih a ni.
He meeting ah hian kum 2025-26 atana Electric bill man bithliah dan tur Power & Electricity Department rawtna Commission-a thlen chungchang bakah meeting hmasa a tih tur tul dahte power supply tha zawk neih theih dan tur leh Power Sector Corporation a dah tura hma lak tawh dan te sawi ho a ni.
He State Advisory Committee hi Section 87, Electricity Act, 2003 in a sawi anga, State Electricity Regulatory Commission thurawn petu tur atana din niin heng Commerce, Industry, transport, agriculture, labour, consumers, non-governmental organisations leh electric lam kaihhnawiha academic and research bodies hrang hrang atanga mithiamte member atan ruat thin an ni. Secretary, MZERC leh Secretary Food, Civil Supplies and Consumer Affairs Department te hi ex- officio member an ni.
He Committee hian electric licensee (Power & Electricity Department) te hnathawh dan kawngah leh tha zawka mipuite hnena eng pek a nih theihna turte leh consumer-te hamthatna tur ngaihtuah chungchangah Commission thurawn a pe thin.
Naktuk Ni 12.3.2025 hian kum 2025-26 atana electric tariff (man bithliah) thar tur chung changa mipui hnen atanga ngaihdan leh sawiselna Commission in a dawnte chu ngaihthlakna (public hearing) neih a ni ang.
