4610/2024-2025

Siaha the 11th March 2025: Vawiin chawhnu dar 1:00 khan DC Mini Conference Hall, Siaha-ah District Cooperative Development Committee (DCDC) thutkhawm a ni a, Pu VL. Hruaizela Khiangte, DC Siaha leh DCDC Chairman nibawk chuan thutkhawm hi a kaihruai.

Thu sawiin Pu VL Hruaizela Khiangte chuan pawl (society) zahawmna humhim a nih zel theih nan mahni telna society theuhah thahnemngai taka thawh a tul hle a, a tui leh inpe fal an awm loh chuan society chak tak nih a harsat avangin tihtakzeta ram leh khawtlang tana hmalatu ni turin society fuihna thu a sawi. Society tha ah chuan hnathawh chak leh tam lamah tiamchin (limit) awm lovin sang tak thlengin hna a thawh theih thu DCDC Chairman chuan a sawi bawk.

Pi N Maki, Deputy Registrar Cooperative Societies, MADC leh Convener, District Cooperative Development Committee nibawk chuan tun dinhmunah Siaha district hnuaiah society in register pawl hrang hrang 182 awm mekin, Society 30 chu nung taka ding an awm mek bawk a ni.

United Nations (UN) in kumin 2025 hi International Year of Cooperatives-ah a puan angin vawiin thutkhawmah hian District pum huapa hmalak dan tur hrang hrang rel a ni a, society nung thate tan inphochhuahna hun remchang nikhat tal neih nise tih niin, society hlawhtlingte mipui hriata phochhuah an nih theih nan department-te nen tangrualin hmalak rel a ni bawk. Society kalpui tha thei lote tuaithar an nih lehna turin anmahni tihphurna tur pawh a remchan dang ang zela neih tum a ni. Kumin International Year of Cooperatives thupui chu “Cooperative Build a Better World” tih a ni.

Vawiin thutkhawmah hian Pu M. Misael, PD, DRDO, Pu Abraham Beirazi Khithie, Additional DC, Pi C. Lallianpuii, DFDO, Pu John Lalnunsanga, ADAO, Pi N. Maki, DRCS, MADC, Pu Joshua Chozah, Local Administrative Department, MADC leh DCDC Member dangte an tel a ni.