Kum tina an tih thin angin MZP General Headquarters chuan kumin 2013 HSLC Exam titha zual 10 thlanchhuah zinga Mizo 13 te hnenah chawimawina Aizawl Vanapa Hall-a inkhawm buatsaih ah vawiin khan an nei.
He hun hmanpuitu Assembly Speaker Pu R.Romawia chuan MZP-in hetiang hun an buatsaih thin chu lawmawm a ti a, hetianga an chawimawi te chu an hun kal zelah enge an thlen a, eng dinhmunah nge an din tak ti a umzui thin turin a chah a.
Mizoram Sorkarin zirna tihhmasawn nana Education Policy 2013 a kalpui mek thu te, Education Reform Commission a din dan te sawiin moral reformation lam te, eizawnna tling pawchhuak tura zirna kalpui te bakah nungcha leh ramngaw thing leh mau humhalh thlengin zirtirna kalpui mek a ni, a ti. Sum senralna tha leh peipunna tluantling ber chu zirna hi a ni tiin Pu Romawia chuan Mizoram State rethei leh education lamah pawh duh ang tawk sum hman tur kan neih loh laiin nu leh pa tam tak te chuan zirna hlutzia an hria a ni, a ti. Tunlai thalai te zingah mi tlem a zawng ruihhlo tihbuai an awm laiin a za tel erawh nu leh pa thuawiha zirna kawng zawh an awm lai hian a chhuan chhhe zawng ringawta insawi lova thalai fel tak tak te hi chawimawi kan thiam a tul tak zet a ni, a ti bawk. Vawiina zirlai titha te chawimawina inkhawmah hian MZP Gen. Hqrs. President Pu James Thanghmingmawia leh Pu Lalhmachhuana, Gen. Secretary ten thu an sawi bawk a, heng te hi chawimawina dawngtu te chu an ni :-
1) Lalfakzuala, St Paul’s Hr. Sec. School, Aizawl
2) B Lallianmawia, St Paul’s Hr. Sec. School, Aizawl
3) Lalhruaizela, St Johns Hr. Sec. School, Kolasib
4) Rebecca Lalruatkimi, Rosebud School, Aizawl
5) J Vanlalramthanga, Baptist Hr. Sec. School, Serkawn
6) PC Lalhruaitluangi, Baptist Hr. Sec. School, Serkawn
7) RL Rohlupuii, St Paul’s Hr. Sec. School, Aizawl
8) Veronica Laldintluangi, St John’s Hr. Sec. School, Kolasib
9) Lalhlimpuii Fanai, Mt. Carmel School, Aizawl
Christina Lalawmpuii, BC Lalthlamuana Academy, Champhai
10) Lalnunhlua, St Paul’s Hr. Sec. School, Aizawl
Vanlalremthangi Ralte, Radiant Heart School, Thingsulthliah
Lalawmpuia, Helen Lowry School, Aizawl
Heng zirlai tithate hnenah hian lawmpuina thuziak leh cheng 2000 theuh pek an ni.
