Vawiin zing dar 11 khan DC Conference Hall, Mamit-ah Consumer Awareness Campaign-cum-Joint Meeting of V/C, NGO & District official chu Pu V. Lalremthanga, IAS District bawrhsap kaihhruaina in neih a ni.
Pu V. Lalremthanga IAS District bawrhsap, Chairman nibawk chuan Consumer Protection Act hi Mamit khawpui leh district huamchhungah hian mumal taka kalpui ala nih loh thu leh khawtlang hruaitu te, tlawmngai pawl hruaitute leh district-a official ten lungrual taka khawtlang thatna tura an rel hi thu tling a ni a ti a. Khawtlang thatna tur chuan mahni hma chauh thlir lova, mipui nawlpui that tlanna tur kan ngaihtuah a tul a, hek zawk a tul anih hunah pawh kan chan ngam a ngai a ni a ti a. Dinhmun tha zawk kan thlen theih nan khawtlang hruaitute theih tawp chhuaha tanla turin a ngen nghal bawk.
Pu Zoramthanga, President, Mamit District Consumer Association pawhin an hmalakna te leh hmalak tulna kawng hrang hrangte kalkhawmte a hrilh bawk a ni.
He meeting-ah hian Mamit khawpuia sa man rualkhai zawk a awm theih nan hetiang hian sa rate a bithliah.
Bawngsa
A ti - Kg 1 Rs. 220
A thin - Kg 1 Rs. 250
A sah pawlh - Kg 1 Rs. 200
A ir - Kg 1 Rs. 220
Vawksa - 1 Kg Rs. 200
A misa - 1 Kg Rs. 120
A sa rep - 1 Kg Rs. 220
Arsa Puah sa - 1 kg Rs. 220
Sangha - 1 kg Rs. 180
Hlawhfa rate, thlai man leh thil tul dang man lo zirchianga lo bithliah turin sub-committee, Pu Benjamin Lalzama, SDO (Sadar) kaihhruaina hnuaiah din a ni a, he sub-committee ah hian consumer aiawh, tlawmngai pawl aiawh, MJA aiawh, V/C aiawhte leh official aiawhte an tel a ni.
He meeting-ah hian Mamit khawpuia official te, khawtlang hruaitu V/C te, MJA, tlawmngai pawl hruaitu te, consumer association aiawhte mi thahnem tak an tel a ni.
