CYMA leh PHED tangkawp ina a buatsaih 'Tuihnar humhalh beihpui' thlakna kal zelah vawiin khan Aizawl District YMA Group leh Branch hrang hrang tan a thawh sarihna atan CYMA Hall, Tuikhuahtlangah neih a ni a. Mizorama tuihna kam zel tihtawp a nih theihna tur leh a kang tihpun dan zirho a ni.

He hunah hian CYMA Treasurer Pu R. Lalngheta chuan inkhawm a kaihruai a, Khuallian PHE Minister Pu S. Hiato chuan thu sawiin Mizoram hi Mizote hnena Pathian pek anih angin kan ram neih chhun te hi kan hum halhtur ani a ti a, CYMA in ram ngaw leh tuihna humhalhna a hma an lak avang hian lawmthu a sawi bawk a ni. PHE Minister chuan tunhma atangin ram leilung enkawl dan a dik loh avangin engtik niah emaw chuan Mizoram ah tui a kang ang tih a hlauhawm a, hei vang hian tuna kan humhalh hi kan in nghahna ani a ti. Vawiin hi Pu S. Hiato a pianchamphaphak vawi 72-na a ni a, ama pual hian hun hman a nih bakah cake zaina hun hman a ni bawk.

Er. R. Lalfanliana E-in-C, PHED chuan a thusawinaah tuihna kam mek zelah Mizoramin harsatna a hmachhawn mek thu a sawi a, khaw thenkhat tuia hnianghnar tak tak thinte pawhin harsatna an tawk mek a ni a ti a, tui hnar a ramte kan tih chereu nasat vang hian tuihnar a kang mek zel a ti bawk.

Workshop technical session-ah Er. Lalrothanga CCDU Director, PHED te, Er. H. Duhkima SE, PHED leh Pu Lalrinawma Sawhnel-te'n palai kal khawmte chu zirtirna hun an nei a, hei mak bakah hian hemi chungchanga hma lak dan tur palaite hian sawihona hun an hmang bawk a ni.