Mizoram a YMA Information network nei hmasa ber Republic Veng chuan YMA Information network Silver Jubillee lawmna leh Kum puan hawnna ni 3rd Febuary, 2012 zan dar 7:00 khan an nei a, Pu T. Sangkunga, President CYMA in a hmanpui .

Pu T. Sangkunga chuan thusawiin, \"Republic Veng chhungah hian YMA te, MUP te, MHIP te, Local Council te leh pawl dang dangte in thawhhona a tha hle a, Mizoram a YMA Information network nei hmasa ber leh veng dangte a tha zawng kawhhmuh a, zirtir thei veng in ni leh tunthleng a Mizoram mipui ten kan hmantangkai tak em em Information Network chingchhuak hmasatu Veng in ni hi in entawn tlak hle a ni. YMA kum puan hi kan ram milin leh kan mamawhna zawna chhe thin kan Pathian hian kum puanah kan mamawh min pe a, tunhma a CYMA in kum puan a Ram leh hnam humhalh kan puan a theitawp kan chhuah tlan ang khan tun tumah pawh hian YMA member tin te hian theihtawp i chhuah tlang leh ang u\" a ti.

He inkhawm hi Pu Lalchungliana, Chairman Kumpuan Committee in kaihruai a, zaithiam hrang hrangten kalkhawm te hi zaiin an awi a ni. He hunah hian Section kal tha te hnenah Section Kaltha lawmman 1-na atanga 3-na thleng an siam a ni.

Republic Veng hi YMA Information Network hmanga Thu Puang Thei hmasa ber an ni a. Kum 1986 kum tawp lamah khatih laia Vice President Pu S. Ronghinglova remhriatnain Information & Public Relation Department hman hlui mike horn leh hrui chu Director Pu R.L. Thanzawna an dil a, anin a lo peiin Kum 1987 Febuary ni 5 khan vengchhung a hmathei turin an buatsaih ta a ni. Republic Veng Branch YMA Information Network din hi Sorkar pawhin tha a ti hle a, LAD kaltlangin Veng tinah aurinna hmanrua te pawh sem a lo ni hial tawh a, an information network kalpui dan hi veng hrang hrang pawhin an zir nasa hle a, tunah pawh hian veng tin deuh thawin Information network hi an nei ta hial a ni.