Vawiin khan Sub Hqrs MHIP, Mamit District kumpuan faina leh thianghlimna tih chu Mamit Bazar vengah Pi Lalbiaksangi District Bawrhsap chuan a hawng.

Pi Lalbiaksangi, District Bawrhsap chuan Mamit khawpui faina chhunzawm zelna tura MHIP ten kumpuan atan Faina leh Thianghlimna tih an hmang chu lawmawm a tih thu a sawi a, chhungkaw nu ber te chu faina kawnga hmasawn tura pawimawh ber kan ni a, kan chhungkua-ah theuh faina pawimawizia zirtir theitu kan ni a ti. Naupangte rilru a faina pawimawh zia hriattir a, an rilru a tuh chu a pawimawh em em a ni a ti bawk.

District Bawrhsap chuan India ram state tinte faina kawnga inelna Swachh Survershan chu ni 2th Oct 2018 atanga ni 2th Oct 2019 chhung hian kalpui a ni a, Mamit khawpui pawh he inelna hmang hian tehfung hrang hrang hmanga teh kan ni a. Chuvang chuan faina kawngah tha thlah lova kal zel turin MHIP members zawng2 te a sawm a ni.

Hawnna hun hi Pi LR Zampuii President Sub Hqrs MHIP chuan a kaihruai, Pi Sapliannguri Vice President MHIP Sub Hqrs chuan thutawi a sawi bawk, He hunah hian Mamit khawpui chhunga MHIP members te leh Children Sanitation Club, Bazar veng te an tel a ni. Kumpuan hawnna hun hman zawh hian Faina hnatlang neih zui nghal a ni MHIP Sub Hqrs te hian kum 2018- 2020 chhung kumpuan-ah Faina leh Thianghlimna tih hman a ni a,

Kumpuan hawnna hun hi Mamit District chhunga MHIP Branch hrang hrangte chuan anmahni remchan dan ang angin an Branch theuhah hman ve a ni.

He kumpuan tihhlawhtlinna atan hian Mamit District chhung MHIP Branch 71 te hian thlatin vawikhat tal faina hnatlangpui an koh thin dawn a ni.