WHO-SEARO ramdangte rualin India pawhin kum 2020 hmain Measles (sentut) leh Rubella/Congenital Rubella Syndrome (CRS) hri tihbo tumin September 2013 atang khan tan an la tlang tawh a. Ministry of Health & Family Welfare chuan ramchhunga Universal Immunisation Programme (UIP) kalpui mekah kumthar 2018 atang chuan he Measles-Rubella Vaccine hi naupang thla 9 atanga kum 15 inkarte chu pek vek turin hmalak a tum a ni.

Hemi bawhzuiin Mizoram sorkara Health Department pawhin kumthar atang chuan Vaccination Campaign nasa lehzualin Sentut leh Rubella Vaccine pek turin hmalak a tum a. A hmaa vaccine lo la tawh nausen/naupang te pawh he vaccine 2 la la loten vaccine hi pek leh vek tur an nih avangin mipuiten he sorkar hmalakna tur hi theihtawpa thlawp turin a ngen a ni.