Vawiin chawhma dar 11 khan NLUP Implementing Board (NIB) Conference Hall ah Pu R. Selthuama, Chairman (NIB) hovin kut hnathawk tha chawimawina ‘Kut hnathawktute Ni’ ni 14.1.2013 a neih tura hlan tur thlan dan ngaihtuah ho a ni.

He meetingah hian State Level Selection Committee kut hnathawk tha thlangtu tur te, NIB Vice Chairman Pu P.L.Thanga, NIB officials leh NLUP Lines Dept, hotute an tel.

Kut hnathawk tha District tin atangin D.C. hnuaia Selection Committee theuh tur an rawn thehluh atangin State Level Selection Committee te hian state pumpui a ti tha an lo thlang dawn a ni.

Mizoram Sorkar chuan NIB kaltlangin State Level Selection Committee atan chairman ah Pu Rualzakhuma, IAS (Rtd), Member Secretary ah Dr. James L.T.Thanga, Assistant Professor (MZU), Member atan:

(1) Rev.Lalzuithanga, Executive Secretary, i/c Synod Social Front. (2) Rev. Dr.Thanzauva, Ex.President, Baptist Church of Mizoram. (3) Prof. Lianzela (MZU) (4) Prof. Lalrintluanga (MZU) (5) Pu Andrew Lalherliana, Ex.MLA (6) Dr. Robert S. Halliday, Co-ordinator, Synod Social Front (7) Pu V. Z. Kaia, Member, NLUP Monitoring (NIB) (8) Pu Zion Lalremruata, General Secretary (AMFU) (9) Pu R. Ramhmangaiha, President, Hnam Chhantu Pawl (10) Pu D.R. Zirliana, General Secy - MJA (Hqrs.) (11) Dr. Lalnilawma, Asstt. Professor (MZU) (12) Dr. J.V. Nunchunga, Asst.Professor (Govt. J.Thankima College) te a ruat a ni.