Naktuk hi ‘Kut Hnathawktute Ni’ tia Mizoram sorkar-in a lo puan tawh angin Mizoram sorkar chuan ropui taka Vanapa Hall-a lawmna buatsaih a tum.

He khawmpui pawimawh takah hian Chief Minister Pu Lal Thanhawla chu khuallian a ni anga, Pu R. Romawia, H&TE etc. Minister leh Pu H. Liansailova, Vice Chairman, State Planning Board te chu khualzahawm an ni ang a, Welcome Address Pu Lalmalsawma, Chief Secretary in a sawi ang.

Prof. Lalthantluanga, Vice Chancellor, MZU chuan University of Minnesota te nen thawhhona an neih report a pe ang a, Pu Rinzuala, UN Programme Coordinator in UN Agencies te leh Mizoram sorkar thawhhona report a pe bawk ang. Introductory Remarks chu Pu P.L. Thanga, Vice Chairman, NIB in a pe ang a, Pu James Lalrinchhana, Secretary, NIB in vote of thanks a sawi ang.

Chawhnu lam programme ah Kut Hnathawktute nen inkawmna a awm ang a. Zawhna leh chhanna hun neih a ni bawk ang.

He programme hi ni 14.1.2016 zan dar 7 atangin DDK Aizawl chuan a ti chhuak leh ang.