Vawiin khan DC Office Chamber-ah DC Pu H. Lalengmawia, IAS hovin Bairabi a NH-154 zauhna atana PWD hmalak tawhna chungchang leh hemi thila compensation chungchanga lungawilo aiawh Ukil te chuan meeting an nei a. DC chuan hemi chungchang hi hmaichhana inbiakna neih tha a tih avangin leh thil awm dan te inhrilhriat tha nia a hriat avangin he meeting hi neih anih thu a sawi.

Meeting ah hian PWD EE Pu Sanghrima Chongthu chuan hmalak tawhna report-in tun dinhmunah in 5 la thiah lo (Police in 3 leh mimal in 2) a awm thu a sawi a. Compensation chungchanga lungawilo Ukil te chuan an thu hmuh dante sawi ve in Supplemantary Award siam an beisei thu an sawi a. DC chuan he thil chinfel nan hian theihtawp a chhuah tur thu sawiin a theih chin bak chu he thil hi hotu sang zawkte hnenah a thlen tur thu a sawi a ni.