Vawiin khan I & PR Conference Hall ah Mizoram Journalist Association Member te leh I & PR Department hotute chuan kum tina an lo tih thin angin kumthar thingpui in hona an nei a.Member te an kal tha hle a ni.

Pu Jim K. Chozah,Director,I & PR he programme kaihruaitu chuan Pathian hruaina changa kumthar duhawm tak an chuangkai leh ta chu lawmawm a tih thu leh Mizoram Journalist te leh I&PR Department-in thawhona hun tha tak an nei thin chu chhawm nung zel in inkungkaihna tha tak nei a kum tluana tha taka an thawhho zel a beisei thu a sawi. MJA member tinah rinna an nghat ani tiin I & PR Director chuan hun lo kal zel turah Ram tana thawhona ah te finchhuah zel tur leh thurawn te pe in thinlung inpawh taka thawhho pui tur in a sawm a ni.

MJA Gen. Hqrs. President, Pu Vanlalrema Vantawl pawhin thusawina hun hmangin I&PR department chu MJA te tan nu leh pa nih tling tak an nih thu a sawi a. Journalist te nena thawhona tha an neih theih nan inkawm hona hun buatsaih na chang an hre thin chu lawmawm a tih thu leh MJA ten an hnena an dil leh an thu thlen thin an lo tih hlawhtlinna tawh zawng zawngah thinlung taka an lawm thin thu a sawi a. India ram State dangte ngaihtuahin MJA te chu Welfare nei tha tak anni tiin State dang Journalist te pawhin MJA te kalphung chu an rawn zawh fo thin in DIPR te nena thawhona kawngah pawh Mizoram tluka thawhhona tha chu a tam lo ang tih theih a nih thu a sawi a. IPR department-in hma an sawn a, an than zel chuan MJA pawh a thang zel a ni tiin Department-in kawng hrang hrangah puih an ngaihna ah chuan MJA anga tih theih an neih na apiangah puih zel an in huam thu a sawi bawk.

Pi Thanhliri Pachuau, Secretary DIPR pawhin thusawiin hun vawn dik kawngah mahni inthunun a pawimawh thu a sawi a. Kan hnathawhnaah te hun vawng dika, rinawm tak leh taima taka kan thawh theihna tur hian keimahni mai bakah kan chhungkua ah pawh kan tan ho a ngai a, keimahniin kan zir chuan kan hnuai ami ten harsa lo takin an zawm ve mai thin a ni tiin Office hna kalsana mahni tul kan ngaih pawimawh lutuk chuan kan hna in a tuara chuvangin kan hna hi hmasa berah leh pawimawh berah kan dah tur a ni a ti.

Vawiina MJA member te leh I & PR Department hotuten kumthar thingpui in hona hun an hmanah hian I & PR Department leh chanchinbumite inkarah thawhhona tha a awm zel theih nan leh inkungkaihna awlsam zawk a awm theihnan, rawtna bakah kumin chhunga an hmachhawpte huam zau taka sawiho na hun an hmang bawk.