Chapchar Kut 2010 chu a hmanna lian ber, Aizawlah chuan Assam Rifles Lammualah ropui thei ang bera hman a ni a, Chief Minister Pu Lal Thanhawla chu Kut Pa a ni.
Kut Pa Lal Thanhawla chu Mizo pa hnathawh thuamhnaw inbelin Mizo mipui zawng zawng leh he ni-a lo tel ve, ramdang mite chu chapchar kut chibai a buk a. Min thlahtu, kan pipute chu lungbul be mi an nihlai pawhin kawla nichhuak chhiarin taima taka hnathawk thin an nih thu sawiin, ei an hmu thin a ni a ti a. Intihhlimna te pawh hmang ve thinin chapchar kut hi an hmang uar bik nia a hriat thu a sawi a. Chuvangin, Kut hi intihhlimna ni anih angin, inthian thatna atan te, inlungrualna atan te, inkungkaihna tha zawk kan neih theih nante hmang turin mipuite chu a sawm a. Chhuan lokal leh zel tur ten hlimawm taka an rawn hman chhoh zel na turin ngaihtuahna thar nen hmanga, rilru siam that ni atan leh hmasawnna ke kan penna atan hmang theuh turin mitin a sawm bawk a ni.
Pu Hawla hian Chapchar Kut Souvenir 2010 a tlangzarh nghal a. Kut rawn chhimtu Taipei Economic and Cultural Center, New Delhi atanga delegates hotupa, Taiwan Representative Wenchyi Ong in ngaihhruina thilpek Chief Minister hnenah a hlan bawk a ni.
Kut Thlengtu Pu P.C.Zoramsangliana, Minister for Art & Culture chuan thuhma sawiin, Kut hi kan Mizo ziarang tilangtu ni a, hlim tlang taka hmang theuh turin mi zawng zawng a sawm bawk a ni.
Central YMA President Pu Lalchungnunga pawhin inlawmna thusawi a neih ah, kan thalai leh thangtharte taimakna tlakhniam sawtzia sawilangin, zing thawh takngial pawh kan peih lo hian midang, ram leilungfa pawh nilo ten inhlawh nan hmangin an chhungte an chawm a. A tawpah hnathawh tur a vang kan ti leh si hian kan inbihchian a tulzia a tilang a ni a ti a. Chuvangin Kut Ni atang hian ngaihtuahna thar nen i kal chho ang u tiin mipuite a chah nawn a ni.
Kut lawmnaah hian bengtlai thlak tak tak zai lam hmuhnawm tak tak chi hrang hrangte entir anih bakah hlado chham, chhawnghnawh, pawnto, lemchan leh khuangchawi te entir ani bawk a. Cheraw Kanpui, bu 63 zetin a huhova a ruala an kan chuan mi a hip bik hle a hriat a ni.
Pu Hawla hian Chapchar Kut Souvenir 2010 a tlangzarh nghal a. Kut rawn chhimtu Taipei Economic and Cultural Center, New Delhi atanga delegates hotupa, Taiwan Representative Wenchyi Ong in ngaihhruina thilpek Chief Minister hnenah a hlan bawk a ni.
Kut Thlengtu Pu P.C.Zoramsangliana, Minister for Art & Culture chuan thuhma sawiin, Kut hi kan Mizo ziarang tilangtu ni a, hlim tlang taka hmang theuh turin mi zawng zawng a sawm bawk a ni.
Central YMA President Pu Lalchungnunga pawhin inlawmna thusawi a neih ah, kan thalai leh thangtharte taimakna tlakhniam sawtzia sawilangin, zing thawh takngial pawh kan peih lo hian midang, ram leilungfa pawh nilo ten inhlawh nan hmangin an chhungte an chawm a. A tawpah hnathawh tur a vang kan ti leh si hian kan inbihchian a tulzia a tilang a ni a ti a. Chuvangin Kut Ni atang hian ngaihtuahna thar nen i kal chho ang u tiin mipuite a chah nawn a ni.
Kut lawmnaah hian bengtlai thlak tak tak zai lam hmuhnawm tak tak chi hrang hrangte entir anih bakah hlado chham, chhawnghnawh, pawnto, lemchan leh khuangchawi te entir ani bawk a. Cheraw Kanpui, bu 63 zetin a huhova a ruala an kan chuan mi a hip bik hle a hriat a ni.
Attachment
- Loading attachment...
