Vawiin chawhma dar 11:00 khan District Playground Saiha-ah kum 2010 Chapchar Kut chu ropui taka lawm a ni. He Kut lawmna inkhawm hi Pu Thangchem Zathang, Additional Deputy Commissioner, Saiha chuan a kaihruaia, Rev. Dr. T. Laikai chu Kut Pa niin Special Guest atan Pu Kunal, IAS, District Bawrhsap chu hman a ni.
Kut hawnna hla YLA Sub-Headquarters, Saiha ten an sak hnu ah Kut Pa Rev. T. Laikai chuan Kut puanzar pawtparh in Kut hawnna leh thuchah a sawi zui nghal a, Mizo ten kan pipute chhan atanga Kut hrang hrang kan neih thu sawiin kan pipute chuan Zu leh Sa nen Kut an lo hmang thin a, Kristian kan neih tawh avangin Kristian rilru pu chunga hlim taka hmang turin mipuite chu a ngen a, kan Kut te hian hnam hrang hrangte inpumkhatna tha thlen thei se a duh thu a sawi bawk. Zoram hi Pathian hi ram danglam bik takah a siam ani, tiin he ram hi Pathian in kan chenna atan min buatsaih sak a ni, a ti a. Tuipui ral ram hla tak atangin Pathianin Missionary te hmangin Van khua leh tui nihna min pe a, kristiante chu khua leh tui tha ber nithei tura inbuatsaih a pawimawh thu a sawi bawk. Mizoram-a hnam hrang hrangte hi angkhat vek kan ni tiin inunauna tha neia unau anga in en theuh turin mipuite a chah bawk. Midangte tan malsawmna ni thei theuh zel turin a sawm bawk a ni, kan dikna leh chanvo te humhalh theuh tur leh hnam inpumkhatna tha vawng nung zel turin mipuite a chah bawk a ni. Kut Pa hian Chapchar Kut Organising Committee Chairman hnenah tanpui nan Rs. 1000/- a hlan nghal bawk a ni.
Kut Pa in thusawina a neih zawh hian Pu H. Lalchhinga, New Colony, Saiha chuan Hlado chham in silai a kap puak a, Pu Kunal, IAS, District Bawrhsap leh Special Guest pawhin thu sawiin Chapchar Kut hi Mizorama chengte thawhrimna chhinchhiahna ani, tiin he Kut ah hian hlim taka awm turin duhsakna a hlan a, midangte tan malsawmna ni theuh turin kalkhawmte chu a chah a ni.
Chapchar Kut lawmna ah hian hnam incheina chi hrang hrang heng tlawmngai pawl M.CH.P., L.W.A. leh M.H.I.P. ten an entir baka Saiha khawpui chhunga School hrang hrang 14 atangin School naupangten Pawnto an entir bawk. Hnam lam chi hrang hrang ,M.T.P., Y.M.A., Y.L.A. leh M.CH.P. ten an entir a, zaithiam hrang hrang te zai ngaihthlak anih bakah Miss Chapchar Kut thlanna neih a ni a, kum 2010 Miss Chapchar Kut atan Miss V. Lalfakzuali d/o V. Sangvuana, Saiha-Tlangkawn chu thlan a ni. Kut Ni khar nan Saiha khawpui chhunga tlawmngai pawl hrang hrang ten a huhovin Chai Lam an entira Pu S. Khipo, CEM, MADC chuan lawmman hrang hrangte a sem hnuah Dr. Chawngkhuma Chawngthu, Secretary, Chapchar Kut Organising Committee, Saiha chuan lawmthu sawina neiin Kut lawmna hi tih tawp a ni.
Chapchar Kut Ni hian District Bawrhsap Pu Kunal, IAS chuan he Kut lawm nan hian tlai dar 3:00 ah Kut chhimtute tan D.C. Bungalow-ah Thingpui Ruai a buatsaih sak bawk a ni.
Kut Pa in thusawina a neih zawh hian Pu H. Lalchhinga, New Colony, Saiha chuan Hlado chham in silai a kap puak a, Pu Kunal, IAS, District Bawrhsap leh Special Guest pawhin thu sawiin Chapchar Kut hi Mizorama chengte thawhrimna chhinchhiahna ani, tiin he Kut ah hian hlim taka awm turin duhsakna a hlan a, midangte tan malsawmna ni theuh turin kalkhawmte chu a chah a ni.
Chapchar Kut lawmna ah hian hnam incheina chi hrang hrang heng tlawmngai pawl M.CH.P., L.W.A. leh M.H.I.P. ten an entir baka Saiha khawpui chhunga School hrang hrang 14 atangin School naupangten Pawnto an entir bawk. Hnam lam chi hrang hrang ,M.T.P., Y.M.A., Y.L.A. leh M.CH.P. ten an entir a, zaithiam hrang hrang te zai ngaihthlak anih bakah Miss Chapchar Kut thlanna neih a ni a, kum 2010 Miss Chapchar Kut atan Miss V. Lalfakzuali d/o V. Sangvuana, Saiha-Tlangkawn chu thlan a ni. Kut Ni khar nan Saiha khawpui chhunga tlawmngai pawl hrang hrang ten a huhovin Chai Lam an entira Pu S. Khipo, CEM, MADC chuan lawmman hrang hrangte a sem hnuah Dr. Chawngkhuma Chawngthu, Secretary, Chapchar Kut Organising Committee, Saiha chuan lawmthu sawina neiin Kut lawmna hi tih tawp a ni.
Chapchar Kut Ni hian District Bawrhsap Pu Kunal, IAS chuan he Kut lawm nan hian tlai dar 3:00 ah Kut chhimtute tan D.C. Bungalow-ah Thingpui Ruai a buatsaih sak bawk a ni.
