Deputy Speaker Pu John Rotluangliana chuan March ni 10 leh 11, 2010 khan a bial fangin March ni 10 khan Rajiv Nagar-ah Community Hall thar a hawng.
Border Area Development Project hnuai a sum hmanga sak, Rajiv Nagar Community Hall hi he khua-a an community hall neih hmasak ber a ni a, Rajiv Nagar khaw mipui chuan an lawmzia entirnan Dy Speaker hi ruai an lo buatsaih sak a ni.
Community Hall hawnna inkhawmah thusawiin Pu John Rotluangliana chuan inthlan hmaa a thusawi, “Rajiv Nagar thar kan siam ang” a tih chu a taka hmalak chhoh zel a nih thu sawiin Community Hall tha tak mai an nei thei ta chu a lawmpui thu a sawi a. Mizoram sorkar chuan an hmakhua ngaihtuah zel a tum thu sawiin chumi ti tur erawh chuan sorkar hmalakna engkima mipuiin an thlawp ve thung a tul dawn thu sawiin amah pawh tha taka an thawhpui a ngaih tur thu a sawi.
Mamit constituency thuam thatna kawngah hian Rajiv Nagar khuaa lui pahnih kal tlang, Sajek leh Amsuri luite chu motor kal theihna lei dawh a ni dawn a, mihring chauh kalna tur lei pakhat dawn belh a ni bawk dawn a. Lei dawh na tur hmun te hi Dy Speaker chuan tlawhin RMSA hnuaia Rajiv Nagar-a High School dinna tur hmun te pawh a endik nghal a ni.
Dy Speaker hian Tuipuibari leh Khantlanga community hall sakna tur hmun te pawh March ni 10 khan a tlawh nghal a, heng khaw pahnihte pawh hian community hall an la neih loh avangin hall an neih theih nana MLA in hma a laknate chu lawmawm an tih thu Pu John Rotluangliana hi lo hrilhin, parthi nen ropui takin an lo lawm a ni.
March ni 11, 2010 khan Deputy Speaker hian Damparengpui a tlawh bawk a, he khua atana hmasawnna kawnga CM Pu Lal Thanhawla kaihhruai Mizoram sorkar hmalakna hrang hrang te public meeting an lo buatsaihah Pu John Rotluangliana chuan sawiin mipui tawiawmna a pawimawh thu uar takin a sawi bawk a ni.
Rajiv Nagar to West Kawnpui kawngpui siam thatna tur hian Sorkar laipui chuan Mizoram sorkar hnenah Rs 1,500 lakhs a rawn pe dawn a, hemi hmang hian kawngpui tha tak neih thuai a nih a beisei thu Deputy Speaker hian a tlawh khua-a a sawi chu mipuiin an lawm hle a, Mizoram sorkar leh an MLA in an hamthatna tur kawng chak taka a dappui chu lawmawm an tihzia an lo hrilh a ni.
Pu John Rotluangliana hi Mamit atangin Project Director, DRDA, District Education Officer leh E.E. PWD ten tawiawmin Zawlnuam BDO leh West Phaileng SDO (C)/BDO ten an tawiawm bakah Aizawl atangin Congress party hruaitute’n an tawiawm bawk a ni.
Community Hall hawnna inkhawmah thusawiin Pu John Rotluangliana chuan inthlan hmaa a thusawi, “Rajiv Nagar thar kan siam ang” a tih chu a taka hmalak chhoh zel a nih thu sawiin Community Hall tha tak mai an nei thei ta chu a lawmpui thu a sawi a. Mizoram sorkar chuan an hmakhua ngaihtuah zel a tum thu sawiin chumi ti tur erawh chuan sorkar hmalakna engkima mipuiin an thlawp ve thung a tul dawn thu sawiin amah pawh tha taka an thawhpui a ngaih tur thu a sawi.
Mamit constituency thuam thatna kawngah hian Rajiv Nagar khuaa lui pahnih kal tlang, Sajek leh Amsuri luite chu motor kal theihna lei dawh a ni dawn a, mihring chauh kalna tur lei pakhat dawn belh a ni bawk dawn a. Lei dawh na tur hmun te hi Dy Speaker chuan tlawhin RMSA hnuaia Rajiv Nagar-a High School dinna tur hmun te pawh a endik nghal a ni.
Dy Speaker hian Tuipuibari leh Khantlanga community hall sakna tur hmun te pawh March ni 10 khan a tlawh nghal a, heng khaw pahnihte pawh hian community hall an la neih loh avangin hall an neih theih nana MLA in hma a laknate chu lawmawm an tih thu Pu John Rotluangliana hi lo hrilhin, parthi nen ropui takin an lo lawm a ni.
March ni 11, 2010 khan Deputy Speaker hian Damparengpui a tlawh bawk a, he khua atana hmasawnna kawnga CM Pu Lal Thanhawla kaihhruai Mizoram sorkar hmalakna hrang hrang te public meeting an lo buatsaihah Pu John Rotluangliana chuan sawiin mipui tawiawmna a pawimawh thu uar takin a sawi bawk a ni.
Rajiv Nagar to West Kawnpui kawngpui siam thatna tur hian Sorkar laipui chuan Mizoram sorkar hnenah Rs 1,500 lakhs a rawn pe dawn a, hemi hmang hian kawngpui tha tak neih thuai a nih a beisei thu Deputy Speaker hian a tlawh khua-a a sawi chu mipuiin an lawm hle a, Mizoram sorkar leh an MLA in an hamthatna tur kawng chak taka a dappui chu lawmawm an tihzia an lo hrilh a ni.
Pu John Rotluangliana hi Mamit atangin Project Director, DRDA, District Education Officer leh E.E. PWD ten tawiawmin Zawlnuam BDO leh West Phaileng SDO (C)/BDO ten an tawiawm bakah Aizawl atangin Congress party hruaitute’n an tawiawm bawk a ni.
