Ni 10.3.2010 (Nilaini) khan Tuivai Group YMA Conference vawi 25 na Phullen a neih leh Saitual Group YMA Conference vawi 15 na ni 10.3.2010 zana Thanglailunga neih ah khuallian niin Pu Chawngtinthanga, Parliamentary Secretary chuan a hmanpui.
Thusawiin khuallian chuan India ram mai nilo, khawvel huap pawhin YMA anga Tlawmngai pawl ropui a awm loh thu leh Pathian hriatpuina a din anih avangin kan ram siamthatna tura a hmalakna reng rengah a hlawhtling thin a, kan kumpuan neih thinte pawhin rah duhawm tak a chhuah thin a, kumpuan atana kan neih mek ‘Khawtlang Nun Siamthat’ pawh hian rah duhawm tak a chhuah leh ngei a beisei thu te, chumi atanga YMA member tin te mahni insiam tha hmasa ber tur leh chumi atanga kan khawtlang nun siamthatna a lo thlen theih tur thu chahin conference hlim taka hmang turin YMA member te a chah. Democracy tun din zelna atan pawh YMA hi a kila lung tangkai tak a ni a. Dikna, Taimakna, Rinawmna, Huaisenna leh Chhelna nena kan khawtlang nun siamthatna tura tanla zel turin a chah bawk.

Parliamentary Secretary hian a bialchhung khaw hrang hrangte tlawhin hun a hmang mek a, naktuk hian Aizawl a lo lut leh ang.