Vawiin chhun dar 11:00am khan NLUP Conference Hall-ah ‘Kuthnathawktute Ni’ buatsaihtu Committee an thukhawm.

Hemi ni ah hian Chief Minister Lal Thanhawla khuallian a ni ang a, Pu H. Liansailova NLUP Nodal Minister chuan Vanapa Hall a inkhawm hi a kaihruai ang.Mizoram puma kuthnathawktu mimal tithaber mipathum (3), khaw tithaber pathum (3) leh Aizawl District chhunga mimal titha pathumte hnenah khuallian Chief Minister hian Certificate mawitak leh lawmman sumfai a hlan dawn a ni.

Aizawl a ‘Kuthnathawktute Ni’ hman naah hian Speakers, Ministers, Parliamentary Secretaries, MLA te bakah sorkar hotu lawk Chief Secretary, Principal Secretaries, Commissioners, Secretaries leh Head of Department te bakah Lines Department-a Officer zawng zawng te tel tura beisei an ni. Chanchinbumite leh NLUP lama District leh Village level Monitoring leh Implementing-a committee member zawng zawng te pawh tel tura beisei an ni bawk.