Vawiin khan Chhimveng YMA Hall, Mamitah Kuthnathawktute Ni hman a ni a, Pu Lalrinmawia, Ralte Minister E & F chuan khuallian niin a hmanpui.

Kuthnathawktute Ni hmanna hun hi Pi Lalbiaksangi District Bawrhsap, Mamit kaihruaiah Pu Lalrinmawia Ralte chuan thusawiin Sawrkar mi pawimawhte leh Kuthnathawk tute he ni ngaipawimawha kalkhawmte chungah lawmthu a sawi a, Mizoram Sawrkar chuan kuthnathawktute hlutzia leh pawimawh zia kan hriat thar lehna tura he ni hi buatsaih a nih thu sawiin Mizoramah hun rei tak kuthnathawktute tana khua a thim hnu in, New Land Use Policy hmangin mi harsa zawkte khaichhuahna turin Sawrkarin nasa taka hma a lak chhoh thu leh Kuthnathawktu mi tam tak tanpui an nih tawh thu sawiin, NLUP tanpuina dawngtute chu hetiang baka Kuthnathawktute tanpuina tur Policy tha hi khawvel ramdangah pawh a awm bik lo a ni tih hre chunga an tanpuina dawn te rilru nei taka hmang turin a chah a ni. NLUP Line Department hrang hrang te chu an Beneficiaries te vil kawngah nasa leh zuala tan la thar turin a fuih bawk. Vawiin Kuthnathawktute Puala hun hmanna hunah hian Horticulture Department a tanga Serthlum thlangtu mi 584 te hnenah 2nd Phase last instlalment atan Rs 45,62,500- sem a ni a, AH&Vety Department a tanga Ar vulh tanpuina dawngtu mi 5 te hnenah Rs 39400- theuh a sem a ni bawk. Agriculture Department WRC-I leh WRC-II atanga tanpuina dawngtu 3rd Phase 1st Instalment ah mi 430 tan Rs 10000- theuh leh 4th phase 1st instalment ah mi 158 te tan Rs 10000- theuh a tanpuina sem a ni bawk. Tanpuina hi Khuallian Pu Lalrinmawia Ralte Minister in a hlan a ni.

Vawiin Kuthnathawktute puala hun hmanna hunah hian Mamit District chhunga NLUP Line Department hrang hrang hnuaia Beneficiaries te bakah sawrkar mi pawimawh te an tel a ni.