Nimin khan Kolasib District mipui a duh apiang lei theih turin thiam thil chi hrang hrang Mizo kutchhuak pho chhuahna, KVI Exhibition chu Diakkawn-a Brig. C. Vankunga Shopping Centre ground floor-ah neih a ni.
Exhibition hi Mizoram KVI Board in an buatsaih a ni a. Prime Minister Employment Generation Programme hnuaia mahni kutkawiha ding duhte leh eizawnna bul tan nana hma la duhte Mizoram KVI Board-in a puihte tana an thilsiam mipui hnena zawrhna hun remchang siam sak a ni a. Mimal leh pawl, Self Help Group hrang hrang 16 in stall siamin an kutchhuakte an pholang a. Heng zinga dawr 14 te hi Kolasib khaw chhung amite an ni a, a dang 4 te chu khaw pawnlam mi an ni.
KVI Exhibition hi Pu F.J. Liantluanga, SDO (C) in a hawng a. Inkhawm buatsaihah hawnna thu sawiin eng eizawnna pawh zawh dawn ila, taima taka kan beih a tul vek a ni, a ti a. Tunlaia kan hriat tul tak ramkang tur ven leh thing leh mau humhalh a tulzia kalkhawmte a hrilh bawk a ni.
Exhibition hawnna inkhawm hi Pu K. Zoremsanga, DVIO, Mizoram KVI Board chuan a kaihruai a. Thuhma sawiin, India ramah hna hmu lo mi tam tak an awm a. Chung mite intun nunna tura an eizawnna siam sak hi KVI Board chuan a tum a ni a. Pu Gandhi an la kaia tualtah tilar tura hma a lo lakna dungzuiin KVI chuan emblem atan Hmui a hmang a. Tichuan KVI Scheme REGP leh PMEGP te hmangin a tuimite indin chhoh nan Bank in loan a pek atanga za zela 30 chu KVI hian a tum sak thin a ni, a ti. Amaherawh chu Mizote zingah loan lak huai tak, a rulh lam ngaihsak lo kan tam ta hi chu in ngaihtuah chian a tul hle a ni, Pu Zorema chuan a ti.
Exhibition hawn zawn veleh hian stall a thil zawrhte chu hralh chhuah nghal a ni a. Mipuiin an hlut hle a ni.
KVI Exhibition hi Pu F.J. Liantluanga, SDO (C) in a hawng a. Inkhawm buatsaihah hawnna thu sawiin eng eizawnna pawh zawh dawn ila, taima taka kan beih a tul vek a ni, a ti a. Tunlaia kan hriat tul tak ramkang tur ven leh thing leh mau humhalh a tulzia kalkhawmte a hrilh bawk a ni.
Exhibition hawnna inkhawm hi Pu K. Zoremsanga, DVIO, Mizoram KVI Board chuan a kaihruai a. Thuhma sawiin, India ramah hna hmu lo mi tam tak an awm a. Chung mite intun nunna tura an eizawnna siam sak hi KVI Board chuan a tum a ni a. Pu Gandhi an la kaia tualtah tilar tura hma a lo lakna dungzuiin KVI chuan emblem atan Hmui a hmang a. Tichuan KVI Scheme REGP leh PMEGP te hmangin a tuimite indin chhoh nan Bank in loan a pek atanga za zela 30 chu KVI hian a tum sak thin a ni, a ti. Amaherawh chu Mizote zingah loan lak huai tak, a rulh lam ngaihsak lo kan tam ta hi chu in ngaihtuah chian a tul hle a ni, Pu Zorema chuan a ti.
Exhibition hawn zawn veleh hian stall a thil zawrhte chu hralh chhuah nghal a ni a. Mipuiin an hlut hle a ni.
