Vawiin khan KVK Champhai District chuan Kawlkulh North a kuthnathawktu Pawl hnenah sawhthing tam vendan zirtirna pein, sawhthing tam damdawi chi thum theuh kalkhawmte hnenah an pe. Hemi hnu hian Kawlkulh a IWMP User Group member, Greenhouse a tomato ching te hnenah tomato chin dan dik leh a venhim dan zirtirna pe lehin, natna leh eichhetu rannung laka venna damdawi chi hrang hrang an sem leh bawk.

Training hi Pi Lalrinawmi Renthlei Sr. Scientist in a kaihruai in, "Mithiamte hnen atanga zirtirna an dawn te lo zawm ngei chu thlai hrisel tha neihna leh hlawk taka thlai hralh theihna a ni," tiin kalkhawm te a fuih a. Pi Malsawmkimi Scientist (Horticulture) in zirtirna a pe a, kuthnathawk tu kalkhawm te chu an lawmin hlawkthlak an ti hle.