Institute of Indian Languages & Literature,Chaltlang Aizawl buatsaih ni nga chhung awh tur Social Science National Seminar vawiina Hrangbana College,Aizawla neih chu Higher & Technical Education Minister Pu R Romawian a hawng.
India ram zau tak a States hrang hrangah hian tawng hrang hrang hman ani a, chung tawng hrang zinga hman lar ber chu Hindi hi anih avangin Mizo te pawh hian kan thiam ve zel a tul a ni tiin khuallian Pu R Romawia chuan hetiang lam hawi Seminar buatsaih ani chu a lawmawm in a pawimawh hle ani a ti a.Vawiin atanga paper ngaihnawm tak tak ngaihthlak tur awm chu a vanneihthlak in a hlawkthlak hle dawn a, a theih anga tam in he Seminar hi ngaithla thei se a duhthu a sawi bawk.
Thangthar mithiamte zirlai leh Pastor zirlai te thleng hian duhtawkin Hindi hi thiam nise,Zofaten State danga kal leh hnathawh na kawngah kan mutan thin tam tak hi hi a sukiang ngeia a beisei thu sawiin Pu R Romawia chuan Kan ngaihdan te tlang taka sawitur leh India hnam a lo ropui deuh deuh nan Mizo fate pawh in Hindi hi duh thala kan thiam chuan ‘contribution’ pawh nasa zawkin kan thawh thei ang a ti a.India ram hmun hrang hranga chengte chu ram khata awm India ram rorelna hnuaia awm kan nih avangin kan inpawh zawk nan te,inrem taka hna kan thawh a, hma kan lak ho theihnan inbiakpawh zung zunga in kawmngeih te a ngai a,chuvang chuan Hindi hi thiam a ngai a, Hindi kan thiam avangin Hindu ah kan inlet tihna a nil ova,inlungrualna kawnga ke pen hovin inhriat thiam tawn zel nan a pawimawh ani a ti.
Pu R Lalrosanga Director,Higher & Technical Education Aizawl in a kaihhruai vawiin Seminar hawnna ah hian Prof.Chawngthu Engineeri Jeeni,Chairman Institure of Indian Languages & Literature (Premchand Peeth) Mizoram & New Delhi chuan Seminar thuhmahruai sawiin India ram in kum 70 zet zalenna Independence a neih hnu hian India ram hi engtin nge kaihhruai zel a nih dawn,ram hruaitu tha ni a,tungchho tur hian zirlai thalai te an pawimawh a,Ram leh Hnam tana hnathawk turin remna zawnga pen chhuah a ngai ani a ti a. Mi rilru thlep leh rilru te te chu an dingchhuak thei ngai lo, Science chu a tih a tih a niin pen chhuah a ngai a, Hindi te pawh hi thiam duh lovin, ban tum mah ila,kan thei dawn chuang lo,chuvang chuan thiam tum mai tur ani a ti.Dr. H Lalnunmawii Associate Professor (Edn) Govt.College Lunglei in Seminar hawn prog hi lawmthu sawiin a khar a ni.
He Seminar hian vawiin dt, 6th Septemtember atang a 10th September,2016 thleng a awh anga, hemi chhung hian India ram hruaitu Pu Mahatma Ghandhi, Pu Jawaharlal Nehru, Pu Sardar Valabhai Patel leh Dr Ambedkar te chanchin mithiam te ziak leh sawi te thlurbinga zirho tur a ni a,heng an thuziah te hi a bu in la chhuah tum a ni bawk a, Seminar kai kim te chu Certificates pek vek an ni bawk ang.
