249/2025-2026

Dated Hnahthial, the 22nd April, 2025: Vawiin chawhma dar 11:00 khan KVK Auditorium-ah KVK Hnahthial buatsaihin 7th Poshan Pakhwada programme chu Anganwadi Worker leh Helper-te nen hman a ni a. He hun hi Dr. Henry Saplalrinliana, Sr. Scientist and Head, KVK chuan hawngin Pi F. Lalnuntluangi, Child Development Programme Officer pawhin a hmanpui a ni.

Dr. Henry Saplalrinliana, Senior Scientist and Head, KVK Hnahthial chuan thu sawiin department zawng zawng hi mipuite tana awm kan nih angin kan in mamawh tawn theuh a ni tih vawiin hian a lan chhuah thu a sawi a. Naupang te hnena eitur tha pek hi a pawimawh thu sawiin eitur tha an ei phawt chuan an puitlin hun thlengin a tha zawnga a nghawng theih avangin tu leh fa nakin lawka kan ram innghahna la ni turte enkawl that hi a tul hle a ni a ti. Aganwadi Centre tinte chu an nutri garden a chin tur thlai chi pek an nih tur thu a sawi bawk. 

Pi Zonunkimi Ralte, Subject Matter Specialist (Home science) KVK Hnahthial chuan “Importance of Nutritious Traditional Food For Health” tih thupui hmangin power point presentation a pe a. Mizo traditional chaw leh chawhmeh chu an pawimawhna leh hriselna te sawiin hmanlai zia chawisan zel nan leh mahni ram chhung ngeia thar chhuah siam dan leh sawngbawl dan ten ngaihhlut a hlawh zel theih nan Anganwadi Worker leh Helper te chu hma la turin a chah a. An centre theuhvah a pawimawhna te uar leh zuala zirtir tura chahin naupang chauh ni lo, nu leh pate pawh zirtir chawng zel turin a chah bawk a ni.

He hunah hian Pi F. Lalnuntluangi, Child Development Programme Officer leh Pu Vanromawia, Circle Officer, ICDS Hnahthial Project te pawhin thu an sawi a, Pi Laltharzeli Kawlni, Farm Manager, KVK Hnahthial chuan lawmthu sawiin hun a khar a ni.