4228/2025-2026

Dated Hnahthial, the 30th January, 2026: Vawiin chhun dar 12:00 khan KVK Meeting Hall, Hnahthial-ah KVK Lunglei District, Hnahthial buatsaih in Scientific Advisory Committee (SAC) meeting vawi 16-na neih a ni, Pu C.Malsawmkima Joint Director (P&M), Department of Agriculture & Farmers Welfare chuan he hun hi a hmanpui a ni.

Meeting kaihruaitu Pu C. Malsawmkima, Joint Director (P&M) Department of Agriculture & Farmer Welfare chuan Scientific Advisory Committee (SAC) chu meeting pawimawh tak a nih thu sawiin, KVK Hnahthial hmalakna leh hmasawnna tur a ni tiin meeting-a kalte chu chibai buk in tha taka meeting hmang turin a chah a ni.

He hunah hian kum kalta 2025 chhung a KVK hmalakna leh hnathawh te thlirletna hun neih a ni a. Subject Matter Specialist (SMS) te chuan kumin 2026 chhung a an hmalakna tur leh hnathawh dan tur te chipchiar taka tarlangin member kalkhawm te nen sawihona an neih hnu in lungrual takin an pawmpui a ni.

SAC member Lunglei leh Hnahthial District chhung a Department hrang hrang aiawh te, kuthnathawktu aiawh bakah media aiawh te an tel a ni.