4229/2025-2026

Dated Aizawl: the 30 January 2026 : Vawiin khan SAD Conference Hall, MINECO ah Pi Zonunthari, Jt. Secretary, Social Welfare, Women & Child Development Department hovin ‘Addiction Treatment Facilities (ATF)’ chungchangah inhmuhkhawmna neih a ni.

Meeting-ah hian Pi Lalhlupuii Sailo, Chief Executive Officer, MSD&RB, Directorate of Social Welfare chuan Addiction Treatment Facilities (ATF) chungchanga hriat tur pawimawh leh hna a thawh tawh dan te sawifiahin, Ruihhlo vanga Mizoramin harsatna a tawh nasat dan te thlir chunga sorkar pawhin De-addiction Centre mai bakah OPD level- a inenkawlna turte an ngaihtuah tih a sawi a; AIIMS, New Delhi nena tangkawpin Kulikawn Hospital chuan Addiction Treatment Facilities (ATF) chu a lo din tawh tih tarlangin, Doctor, Nurse leh Counsellor ten he Facilities hi an thutchilh mek a, mi engemaw zatin an pan mek zel a ni. Kum 2025 khan Civil Hospital, Champhaiah ATF hi din leh niin mi engemaw zat enkawl mek an ni bawk.
Meeting ah hian Dr. Lalthlengliani, Principal Director, Health & Family Welfare Department leh Directorate of Hospital & Medical Education lama hotute leh Social Welfare Department lama hotute an tel a. Meeting hian District hospital zawng zawnga Addiction Treatment Facilities (ATF) din theih dan turte sawi hovin, ruihhlo ngai home/centre a inenkawl thei lo tam tak ten damna kawng zawh nana an hman dan turte an sawiho bawk a ni.