No.1045/2020-2020

KVK Hnahthial-a thawktute chuan vawiin khan Pi Zonunkimi Ralte, i/c Sr.Scientist & Head kaihhruaina hnuaiah Darzo leh South Vanlaiphai khua a kuthnathawktute tlawhin inkawmhona hun an hmanpui a, Vaimim leh Buh chi an sem nghal bawk a ni

Inkawmhona hunah hian Pi Zonunkimi Ralte, i/c Sr.Scientist & Head KVK Hnahthial chuan "Covid 19 hrileng avanga ramin harsatna a tawh mek hi ei leh bar kan dapna kawnga tumruhna leh taimakna mi thlen tuah hmangin tan la thar zual ila, hma i zauh ang u" tiin Loneitute chu an hnathawhna kawngah harsatna an neih chuan KVK-a thlen thin tura chahin an tih theih chinah chuan an mahni tanpui turin an inpeih reng thu a hrilh bawk a ni.

He hunah hian Pu Senjit Singh, Scientist (Agronomy) chuan Loneitute chu buh leh thlai chin dan leh enkawl dan te a zirtir a ni.

Kuthnathawktute chuan hun harsa leh khirh tak kara KVK in an khua a hmalakna an neihpui chu lawmawm an tih thu an hrilh a ni.