No.1044/2020-2020
PRESS RELEASE - 13.05.2020.pdf

Finance Department, Economic Affairs Branch, Government of Mizoram chuan hetiang hian thuchhuah an siam –

Tun hnaiah Social Media (WhatsApp) lamahte leh nitin chanchinbu, Vanglaini leh Aizawl Post-ah te ZPM Legislature Party leader, MLA zahawm tak, Pu Lalduhoma statement siam tih chhuah a ni a. He statement tih chhuahah hian Covid do nana hman theih mai sum tam tak (Rs.882.37 crore lai) Sorkarin nei anga a tarlan avangin mipuite leh Sorkar hnathawkte ngei pawh an rilru sûkthlêk a hruai danglam thei a. Covid do nana sum thawh chungchangah mite inpêkna thlenga a nghawng theih avangin Sorkar chuan sawifiah thain a hria a ni.

Sum hmuhna a han sawite kha a dik tlangpui a, LESDE amanga Rs.21 crore Sorkarin hmu anga a sawi kha chu a dik tawk lo a. LESDE atang hian FCS&CA department chuan Rs.6.41 crore a hmu a. Hei hi AAY, PHH leh MBOCWWB member-te leh Task Force thenkhat te’n mi harsa zual nia an sawite hnena, a thlawna ration buhfai pek nan hman nghal a ni. Tin Rs.14.88 crore zet chu MBOCWWB hnuaia member, in register mi 49598 te account-ah Rs.3000 zela chhun luh a ni a, a hranpain Sorkarah chhun luh a ni lo. Hemi chungchang hi Government pawhin thuchhuah siamin April 24, 2020 khan a lo sawifiah tawh nghe nghe.

Sum lut tihtham tak a awm lai hian, a hmanna pawh a tam tawk ang tih hriat tur a ni a, hengte hi tun hnaia sum hmanna lian tham langsar zualte chu an ni.

Heng atang ringawt pawh hian sum hman chhuah hi a tam tawk tih a hriat theih a ni.

Heng bakah hian sum hmuhna a tarlan thenkhat National Bamboo Mission Fund-te hi Approved Action Plan anga hman tur a ni a, Covid do nana lo pawh-pen theih a ni lo. Tin, SDRF Rs. 23.50 crore kum 2020-21 atana 1st instalment lokal hi disaster kaihhnawih hrang hrangah hman tur a ni a, Covid do nan hian engzat nge hman theih tih hi la tihchian a ni lova, Rs. 7.28 crore vel hman theih beisei a ni.

NEC atanga Rs. 3 crore hmuh hi Covid do nana hman tur niin, a hmanna tur pawh ruahman fel vek tawh a ni a, hman chhuah thuai tur a ni.

Hetiang a nih avang hian Sorkar sum hmuh Rs. 882.37 crore, MLA zahawm takin ala awm anga ngaih theih tura a sawi hi a tak takah chuan heng sum hmang hian tam tak pek chhuah tawh a ni a, a sum faia la kawl teuh emaw, Covid do nana hman teuh tur emaw a awm hranlo a ni.