No.1042/2020-2020

Aizawl, the 13th May 2020 : State Council of Educational Training and Research (SCERT) buatsaih Online Edu-Challenge 2020 Kar 4-na chu zawh fel a ni a. He intihsiak hi Secondary level- te tana buatsaih a ni. Online Edu-Challenge 2020 Week 5 intihsiakna hi a kal leh mek a ni.

Week 5-ah hian Primary School zirlaite tan ‘Arpui sen té’ thawnthu awmzia tilang chiang thei tur lemziah tur a ni. Middle School zirlaite ‘Mauruangi thawnthu’ hmanga lemziah tur a ni ve thung ang. Elementary zirtirtute erawh chuan zirlaiten chhiarkawp tui leh nuam ti taka an zir theihna atana zirtirna an kalpui dan turah intihsiakna an nei ang.

Week 4 Results chu hetiang hi a ni:
Students

1-na — P.C. Lalliantluangi, Class XII, MICE, Venghlui
2-na — P.C. Lalrinchhana, Class XII, Marcus School of Education, Maubawk
3-na — F. Lalchhanhima, Class IX, St. Paul’s HSS, Tlangnuam

Teachers
1-na — Vanlalsiami Ralte. Home Missions School, Zarkawt
2-na — KC Lalduhawma, Govt. P.M H/S, Lungdai
3-na — K. Vanlalnghaki, Govt. Bethlehem Vengthlang H/S

He intihsiakah hian Mizoram chhung zirlai leh zirtirtute zawng zawng a tel theih vek a. District hrang hranga Kohhran school, Sorkar school leh Private School-te atanga an rawn tel thin chu SCERT chuan lawmawm a ti hle a ni. SCERT chuan he intihsiak ah hian Mizoram chhunga zirlaite leh zirtirtute a tam thei ang ber tel turin an sawm a ni.