KVK Hnahthial chuan nimin khan KVK Fair a buatsaih a, he Fair ah hian Lunglei District chhunga kuthnathawktu thlan bik khaw 14 - Haulawng, S. Vanlaiphai, Khawhri, New Ngharchhip, Pangzawl, Cherhlun, Chawngtui, Darzo, Rawpui, Hnahthial, Thingsai, Thiltlang, Tuipui ‘D’ leh Tarpho khua te hnenah Farm Machinery chi hrang hrang, Brush Cutter, Cono Weeder, Sugarcane Crusher, Motorized Knapsack Mist Blower cum Duster, Knapsack Sprayer, Seed Driller, Four (4) Row Paddy Seeder, Fertilizer Broadcaster avaiin khawl(machinery) sawmli pakhat(41) pek chhuah na leh a hman dan inzirtirna neih a ni.

Heng bakah hian Free Clinic (Animal Health Camp) leh Soil Test neih nghal a ni a, heng bakah hian KVK thil siamchhuah chi hrang hrang Aloe vera sahbawn, Pickle, Potted House Plant te bakah chemicals (damdawi) leh fertilizers man tlawm zawka hralh leh pho chhuah niin, kut hnathawktuten an hlut hle.