Vawiin hian Lawngtlai DC Conference Hall ah World Vision India Chhimtuipui ADP leh Lawngtlai District Child Protection Unit buatsaihin United Nations Convention on the Rights of th Child (UNCRC) kum 25 na lawmna neih a ni a, Addl. DC Pu R. Lalsangluaia chu khuallian a ni.

Khuallian Pu R. Lalsangluaia chuan naupang te hi naktuk a kan nu leh pa, kan nun kawng tinrenga thutlukna siam tu tur an ni a, nakina kawng dik zawh kan duh chuan vawiinah anni ho hi kawng dika kan hruai a ngai tihna a ni. Vawiin a naupang ngaihsak lo hian naktuk ah hruaitu tha a neih a beisei thiang lo a ni, a ti a. Fate enkawl thuah nu leh pa tanrual a tul hle a ni tiin kalkhawmte a fuih bawk.

Pu Laldinpuia Chief Judicial Magistrate in he huna kalkhawm te hi Convention on the Rights of Child chungchangah zirtirna chipchiar takin a pe a, Tv. Lalpuiliana Out Reach Worker, District Child Protection Unit in Lawngtlai leh a chhehvela naupang ten harsatna an tawh hrang hrang leh hmasawn dan tur ni a hriat te tarlangin hun a hmang bawk.

Vawiin a UNCRC day hmannaah hian Thingfal Children’s Club ten hna lam an entir bakah zaithiam ten hun an hmang bawk.