1862/2023-2024

Khawzawl,13th September 2023: Vawiin khan KVK Training Hall, Khawzawlah Krishi Vigyan Kendra (KVK) Khawzawl leh Indian Council of Agricultural Research- National Bureau of Plant Genetic Resources (ICAR-NBPGR), Shillong te tang kawp chuan “Plant Genetic Resources on Agri-Horticulture Crop” tih thupui hmangin kuthnathawktu mi 100 hnenah zirtirna an pe a. He hun hi Dr. Malsawmkimi, Senior Scientist & Head, KVK Khawzawl chuan kaihruaiin Dr. Julius Uchoi, Scientist (Fruit Science) ICAR-NBPGR Shillong, Pu Rambuatsaiha, Subject Matter Specialist (Agronomy) leh Pi R. Vanlalduati, SMS (Soil Science) ten zirtirna hi an pe ani.

Dr. Julius Uchoi chuan loneitu kalkhawmte hnenah lawmthu sawiin, Mizo te thlai neih leh tualto thlaite chu ram dang thlaite aia a chhiat bik loh thu sawiin, heng thlai chi vawn him leh dah that kawnga tan la sauh sauh turin kuthnathawktu kalkhawmte chu a fuih a ni.

He hunah hian - Chawngtlai, Kawlkulh, Khawhai, Khawzawl, Khualen, Ngur, Neihdawn, Rabung, Tualpui, Tualte leh Tuipui atangin kuthnathawktute an kalkhawm a, kalkhawmte hnenah NEH Fund atangin Tetra bed/Vermi bed (Leitha siamna), Farm Bag leh Vaimim nuaina (Maize sheller) te pek a ni.